اومیتدار آک داخلہ فارم ءِ بذریعہ ڈال مون ایتر، آن لائن اپلائی کیر، فیس ءِ کراس چیک انا دروشم اٹ ہم جمع کرفنگ مریک، ترجمان
اسلام آباد۔ 04 جون (اے پی پی) علامہ اقبال اوپن یونیورسٹی نا سمسٹر بہار 2020ء نا ارٹ میکو مرحلہ ٹی پیش کروک آ تعلیمی پروگرامز(بی اے) ایسوسی ایٹ ڈگری، بی بی اے، بی ایس، اے ڈی ای، بی ایڈ، ایم ایڈ، پی جی ڈی و پوسٹ گریجویٹ پروگرام تا داخلہ غاتا اینو(جمعہ 5 جون) آخریکو تاریخ ءِ۔ یونیورسٹی ترجمان نا رداٹ غٹ پروگرام تا پراسپیکٹس و فارم یونیورسٹی نا ویب سائٹ آ دستیاب ءِ۔ کوویڈ۔ 19 نا رداٹ یونیورسٹی مچ آ ملک آن داخلہ غاتا است خواہی تخوک آ اومتیدار آتے پارت کرینے کہ او داخلہ فارم ءِ بذریعہ پوسٹ آفس گدریفر یا آن لائن https:/online.aiou.edu.pkاپلائی کیر۔ طالب علم آتا آسراتی کن فیس کراس چیک انا دروشم اٹ جمع کرفنگ نا آسراتی ہم تننگانے۔ لاک ڈاؤن آن زہمی یا ہمو بندغ ہرا زرگزرانی بیوسی نا سوب آن فیس ءِ اسہ جاگہ غا جمع کرفنگ کپسہ اوفتا آسراتی کن داخلہ فیس ءِ اِرا بریبر قسط آتے ٹی جمع کرفنگ نا ودکی آسراتی فراوان کننگانے۔ داوڑنا طالب علم 50 درسد فیس 5 جون اسکان وخت اس کہ ایلو فیس ءِ 17 جولائی اسکان جمع کرفنگ کیک۔ یونیورسٹی نا وائس چانسلر، پروفیسر ڈاکٹر ضیاء القیوم لاک ڈاؤن اٹی یونیورسٹی نا طالب علم آتے ہروڑنا آسراتی فراوان کننگ کن ہچ ءُ کسر اس ہلیپک و او داکنڈآ پورو چکار کننگ ءِکہ طالب علم آتا سیشن ہچ ءُ حالیت اسے ٹی زیان مف۔
