کوئٹہ۔ 04 جون (اے پی پی) وزیراعلیٰ بلوچستان جام کمال خان اسلام آباد نا دورہ ٹی صوبہ نا ویل آتیا بنجائی حکومت تون ہیت وگپ کننگ کن جوڑ بی اے پی نا کمیٹی تون اوار بنجائی وزراء و اوکان پد وزیراعظم تون اوڑدہی کیک۔ وزیراعلیٰ تون چیئرمین سینیٹ محمد صادق سنجرانی، بنجائی وزیر گودی زبیدہ جلال سینیٹر انوارالحق کاکڑ صوبائی وزراء نور محمد دمڑمٹھاخان قومی اسمبلی نا باسک سردار اسرار ترین و نوابزادہ خالد مگسی اوڑدہی کرے، بنجائی حکومت تون بلوچستان نا برجا بنجائی ڈٹ آتا سست روی پوسکن آ ڈٹ، ڈیم تا تفنگ بجلی و گیس انا ویل آتون اوار ایلو تعلقدار باندات آتیا دوٹوک موقف اختیار کننگ آ امنا کننگا۔ اوڑدہی ٹی بنجائی وزیر پلاننگ اسدعمر بنجائی وزیر توانائی عمر ایوب و سلاہکار خزانہ حفیظ تون اوڑدہی نا ایجنڈا پک مس۔ بلوچستان عوامی پارٹی نا سینیٹر و قومی اسمبلی نا باسک آک صوبہ نا موقف ءِ بنجائی کہول آ پبی وڑاٹ پیش کیک۔ بلوچستان عوامی پارٹی نا صدر وزیراعلیٰ بلوچستان جام کمال خان نا تینا کڑد ءِ ادا کننگ کن بی اے پی سینیٹ نا باسک و قومی اسملبی نا باسک آک عزم کریر۔

متعلقہ مضامینمصنف کی طرف سے مزید