اسلام آباد۔ 03 جون (اے پی پی) وزیراعظم عمران خان پٹرولیم مصنوعات آتا نہاد آتے ٹی نمان کمتی آن پد ہم کنوئی آ گڑاتا نہاد آتے ٹی کمتی نا جاگہ غا ودکی نا رجحان آ گڑتی نا درشانی ءِ کرینے وخت اس کہ او دا است خواہی نا ہم درشانی ءِ کرینے کہ وزیراعلاک و چیف سیکرٹریک دا معاملہ ءِ ذاتی وڑاٹ ہریر۔ چارشنبے نادے آ وزیراعظم عمران خان نا کنڈآن وزیراعظم ناسلاہکار خزانہ و نیشنل پرائس مانیٹرنگ کمیٹی ءِ پاننگانے کہ دا ہیت انا ہچ ءُ منطق اس اف کہ ہراتم ساڑی ٹی خولم نا روتوک داوڑاٹی نت انا نہادآک ہمہ ودار۔ اواست خواہی ظاہر کرے کہ صوبہ غاتا وزیراعلاک و چیف سیکرٹریک تینٹ دامعاملہ ءِ ہریر وپٹرولیم منصوعات آتا نہاد آتے ٹی کمتی نا اثرآک کنوئی آ گڑاتا نہاد آتیا نظر بریر۔ صوبائی حکومت آک ہڑدے ئی بنداو آ کنوئی آ گڑاتا نہاد آتے مانیٹر کیر وپٹرولیم مصنوعات آتا نہاد آتے ٹی کمتی نا فائدہ لس بندغ اسکان سرکیر۔ وزیراعظم دا اومیت نا درشانی ءِ ہم کرے کہ نیشنل پرائس کنٹرول کمیٹی ہم بنجائی کابینہ نا پارت آتے مون آ تخسا ہفتہ وار بنداو تیا ضرورت نا گڑاتا نہاد آتا مانیٹرنگ ءِ کے و نہاد آتے ٹی کمتی نا بابت لائحہ عمل اس جوڑ کے۔
