اسلام آباد۔ 03 جون (اے پی پی) بنجائی وزیر سائنس اینڈ ٹیکنالوجی چوہدری فواد حسین پارینے کہ اسہ ہفتہ ٹی صوبائی وزیر آتون اوار چار اسمبلی نا باسک کوروناوائرس آن زہمی مننگ نا سوب آن کزیت کریر، 18 نا خڑک باسک داسہ ہم کوروناتون جنگ تننگ ءُ۔ ہنداخاطرآن پارلیمنٹ نا براہ راست دیوان اڈتننگ آن پاناد کننگے۔ اوچارشنبے نادے آ تینا اسہ بیان اسے ٹی پارے کہ نن احتیاط نا دامن ءِ بایدے ہلیپن، پارلیمان نا ورچوئل سیشن کرسا احتیاط نا درشانی ءِ کننگ کینہ۔ اوپارے کہ پارلیمنٹ نا براہ راست دیوان تا بھرم مون آ بننگ ءِ۔ چندی پارلیمنٹ نا باسک آک براہ راست سیشن آن پد کورونانا گواچی مسنو۔ اوپارے کہ ہوٹل آتے ٹی یا براہ راست سیشن بٹنگ انگ نا جاگہ غا ورچوئل دیوان کننگے۔
