اسلام آباد۔ 02 جون (اے پی پی) پاکستان مقبوضہ جموں و کشمیر اٹی بھارتی کوزہ گر فورس آتا کنڈآن اسہ دے اٹی 13 کشمیری تا ماورائے عدالت خون نا ترندی اٹ مذمت ءِ کرینے و جعلی مقابلہ و نام نہاد‘‘انسداد دراندازی’’ آپریشن آتے ٹی کشمیری ورناتا ماورائے عدالت کشت وخون آ گڑتی نا درشانی ءِ کرسا جہانی برادری آ زور شاغانے کہ او بھارت ءِ کشمیری تا برخلاف سنگین ڈوہ آن توننگ کن دمدستی گام گیج چست کے و جہانی کانود و انسانی حق انا تعلقدار کنونشنز آتا رداٹ اونا احتساب ءِ کننگے۔ سے شنبے نادے آ ترجمان دفتر خارجہ پارے کہ پاکستان ءِ مقبوضہ کشمیر اٹی جعلی مقابلہ و نام نہاد‘‘انسداد دراندازی’’ آپریشن تیٹٛ کشمیری ورناتا ماورائے عدالت خون آ گڑتی ءِ۔ دُن انگا وخت اٹی ہراتم کہ جہانی برادری کوویڈ۔ 19 نا دینی مرض اتون مون تننگ نا کوشست آتے ٹی لگوک ءِ تو ایلو کنڈآ بھارت کشمیری الس نا برخلاف تینا بربریت ءِ پین ترند کرینے۔ ترجمان پارے کہ حقیقت دادے کہ اسہ دے اٹی 13 کشمیری تا ماورائے عدالت خون بھارتی حکومت نا انسانیت نا برخلاف جاری ڈوہ انا پیدوار شاہدی ءِ۔ تینا ڈوہ آ پڑدہ شاغنگ کن بھارتی کمامدارآک گیشتر کشمیری مزاحمت کار آتا ‘‘تربیت’’ و دراندازی’’ نا دروغ و بے بنداو دوبہ غاتے کاریم اٹ اتیرہ۔ ہندوستان دابایدے پہہ مرے کہ اونابدنیتی آ مبنی پروپیگنڈا غا جہانی برادری ءِ ہچ ءُ اعتبار اس سلتنے۔ آرایس ایس۔ بی جے پی اتحاد غیر کانودی و غیر انسانی گام گیج و انتہاپسند‘‘ہندوتوا’’ ایجنڈا ءِ دنیا نا مون آ پاش کرینے۔ ترجمان پارے کہ بھارت ءِ دا پہہ مروئی مرے کہ نئے تو اونا بربریت کشمیری الس نا عزمءِ پرغنگ کیک و نئے اونا پاکستان مخالف پروپیگنڈا و مقبوضہ کشمیر اٹی بھارتی ریاستی دہشت گردی و انسانی حق انا سنگین خلاف ورزی تیان جہانی چکار اسہ کنڈ مریک۔ ہر کشمیری نا شہیدی کشمیری تا بھارتی کوزہ غان آجوئی نا عزم ءِ پین سوگوی ایتک و کشمیریک وخت اس کہ سلامتی کونسل نا تعلقدار قرارداد آتا رداٹ تینا حق خودارادیت آن دزکش مفسہ و پاکستانی سرکڑدہ و الس آجوئی نا دوئی کننگ اسکان کشمیری تا پورو مخ تفی ءِ برجاتخرہ۔
