مزن وزیر ءَ اولی راجی ورنا آنی روزگار ءِ پالیشی ءِ واستہ وفاقی وزیر شزہ فاطمہ خواجہ ءَ  را توسیپ ءُ ستا کرتگ

اسلام آباد۔13اگست  (اے پی پی): وفاقی وزیر انفارمیشن ٹیکنالوجی ءُ کمیونیکیشن شزہ فاطمہ خواجہ ءَ را مزن وزیر محمد شہباز شریف ءِ نیمگ ءَ چہ ورنا آناں بااختیار کنگ ءُ ملک ءِ اولی نیشنل یوتھ ای ایمپ ءِ تیاری ءِ تہ ءَ آئی ءِ جوانیں ازمت آنی رد ءَ ستا ءِ سرٹیفکیٹ دیگ بیت۔ وزارت آئی ٹی ءِ رد ءَ شزہ فاطمہ خواجہ ءَ راجی ورنا آنی روزگار ءِ پالیشی ءِ تیاری ءُ منظوری ءِ تہ ءَ مزنیں کرد پیلو کتگ۔ اے پالیشی ورنا آنی واستہ روزگار، ہنر ءُ اقتصادی موہ پیداک کنگ ءِ واستہ یک ھاسیں راجی گامگیج اِنت۔ شزہ فاطمہ خواجہ ءَ وتی گوستگیں دور ءَ ورنا آنی پالیشی ءِ جوڑیشت ءِ عمل بندات کتگ ات کہ استیں حکومت ءَ ایشی ءَ را دیم ءَ برتگ ءُ ایشی ءِ سر ءَ عمل کتگ ءُ راجی ورنا روزگار ءِ پالیشی ءِ منظوری ءُ بندات ءَ را ممکن کتگ۔ آئی ءِ بے مٹیں کار ءُ ورناہاں بااختیار کنگ ءِ ھاتر ءَ آئی ءِ ھزمت آنی راجی شناخت اے گپ ءِ عکس اِنت کہ حکومت ورناہاں ملک ءِ دیمروئی ءِ یک ھاسیں ستونے لیک ایت۔ راجی ورنا آنی روزگار ءِ پالیشی ءِ بنجاہی مول ءُ مراد ورنا آنی واستہ روزگار ءُ کاروباری موہ آنی تہ ءَ ھوار کنگ اِنت، آوانی مہارت آناں مارکیٹ ءِ ضلورت آنی گوما ھمگرنچ کنگ ءُ راجی معیشت ءِ تہ ءَ جوانیں کرد پیلو کنگ ءِ ھاترا توانمند کنگ اِنت۔