مزن وزیر شہباز شریف ءَ ناروے ءِ درئی کارانی وزیر اسپن بارتھ ایڈے ءَ گوں گند ءُ نند کتگ، ناروے ءِ کمپنی آناں پاکستان ءَ تیل ءُ گیس ءِ پٹ ءُ پول ءِ تہ ءَ سرمایہ کاری ءِ لوٹ کتگ

اسلام آباد۔13اگست  (اے پی پی): مزن وزیر محمد شہباز شریف ءَ ناروے ءِ دو نیمگی کمک ءِ توسیپ کتگ ، ھاسیں رنگ ءَ وانگ ءُ زانگ ، ہنرمندیں مردمی قوت ، موسمیاتی بدلی ءُ ٹیکنالوجی ءِ اثرات ءَ گوں گر ءُ چیل بوھگ ءِ صلاحیت ءِ پڑ ءَ ، ءُ دو نیمگی سرمایہ کاری ءَ را گیش کنگ ءِ تہ ءَ پاکستان ءِ دلگوشی ءِ درشانی کتگ ۔ پاکستان ءَ پٹ ءُ پول کنگ ءَ انت۔ پنچ شمبے ءِ روچ ءَ مزن وزیر گس ءَ ناروے ءِ درئی کارانی وزیر اسپن بارتھ ایڈے ءَ مزن وزیر محمد شہباز شریف ءَ گوں گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ ناروے ءِ دری کارانی وزیر ءَ را وش اتک کتگ ءُ پاکستان ءُ ناروے ءِ نیام ءَ گرم ءُ دوستی ءِ سیادی ءِ سر ءَ دل یکیمی ءِ درشان کتگ۔ آئی ءَ پاکستان ءِ گوما ناروے ءِ دو نیمگی کمک ءَ را ساڑات، ھاسیں رنگ ءَ وانگ ءُ زانگ، ہنرمندیں مردمی قوت، موسمیاتی تابکاری ءُ ٹیکنالوجی ءِ پڑ ءَ۔ ناروے ءِ گوما دو نیمگی تجارت ءِ تہ ءَ گیشی ءِ واستہ پاکستان ءِ سک باز واھشت ءِ درشان کنان ءَ آئی ءَ ناروے ءِ کمپنی آناں پاکستان ءِ تیل ءُ گیس ءِ شوھازگ ءِ شوبگ ءَ سرمایہ کاری ءِ دعوت دات۔ دمگی ءُ جھان ءِ دیمروئی آنی ھوالگ ءَ گپ ءُ تران ءِ ساھت ءَ مزن وزیر ءَ فلسطین ءِ حمایت ءِ واستہ ناروے ءِ مھکم ءُ اصولی موقف ءِ سک باز ساڑات۔ آئی ءَ ناروے ءِ ھم منت گپت کہ آ خلیج ءِ دمگ ءَ امن ءِ واستہ پاکستان ءِ کوشست آنی واستہ برجاھیں کمک ءَ کنت۔ ناروے ءِ درئی کارانی وزیر ءَ مزن وزیر ءِ وش اتک ءِ سر ءَ منت گپت ءُ ناروے ءِ مزن وزیر جونس گاہر اسٹورے ءِ نیکیں واھگ آناں سر کت۔ آئی ءَ دمگی امن ءِ کوشست آنی تہ ءَ پاکستان ءِ ھاسیں کرد ءَ را ساڑات ءُ جتا جتائیں پڑ آنی تہ ءَ دو نیمگی سیادی ءَ را گیش مھکم کنگ ءِ واستہ ناروے ءِ واھشت ءِ سر ءَ پدا زور پر دات۔ ناروے ءِ دری کارانی وزیر ءَ ھاسیں رنگ ءَ ناروے ءَ پاکستانی کمیونٹی ءِ جوانیں کرد ءَ را ساڑات۔ مزن وزیر ءَ ناروے ءِ مزن وزیر ءَ را پاکستان ءِ سرکاری تر ءُ تاب ءِ دعوت دات۔ نائب مزن وزیر  ءُ  وزیر خارجہ سینیٹر محمد اسحاق ڈار، وزیر تجارت جام کمال خان، وزیر موسمیاتی تبدیلی ڈاکٹر مصدق ملک، وزیر برائے  زر ءَ آدیم   پاکستانی  ءُ  بنی آدمی آسراتی دیمروئی   چوہدری سالک حسین،  مزن وزیر ءِ ھاسیں کمکار   طارق فاطمی  ھم ھوار اتنت۔