ڈائریکٹوریٹ آف الیکٹرانک میڈیا اینڈ پبلی کیشن ءَ پاکستان ءِ 78می آجوئی ءِ سالروچ ءَ گوں اکس کشی مقابلہ ءِ  برجم داشتگ

اسلام آباد۔13اگست  (اے پی پی): وزارت ءِ اھوالکاری ءُ نشریات ءِ ڈائریکٹوریٹ ءَ پاکستان ءِ 78می آجوئی ءِ درگت ءَ انفارمیشن سروسز اکیڈمی ءَ پینٹنگ مقابلہ ءِ برجم داشت۔ اے مراگش ءَ پینٹنگ ءِ مقابلہ، بصری ڈسپلے ءُ ڈی ایم پی ءِ نیمگ ءَ جوڑ کتگیں ھاسیں دستاویزی فلم ءِ پیشدارگ بوتگ کہ ایشی ءِ تہ ءَ پاکستان ءِ راجدپتر، راجی پجار، آجوئی ءَ پد ءِ سوبمندی ءُ سفر ءِ سر ءَ چمشانک دیگ بوتگ۔ اے موہ ءِ سر ءَ ڈی ایم پی ءِ نیمگ ءَ جوڑ کتگیں ءُ نامداریں گشندہ ساحر علی بگہ ءِ گشگ بوتگیں راجی زیمر ھم گوشدارگ بوت۔ وتی وش اتک ءِ گشتانک ءِ تہ ایگزیکٹو ڈائریکٹر جنرل ڈی ای ایم پی عمرانا وزیر ءَ وفاقی سیکرٹری وزارت ءِ اطلاعات ءُ نشریات اشفاق احمد خلیل، مزنیں افسر، حکام، میڈیا ءِ نمائندگ ءُ بہر زوروکیں نودربر آناں وش آتک کت۔ آئی ءَ آجوئی ءِ روچ ءِ ارزشت ءَ را راجدپتری جہد ءُ قربانی آنی یات ءَ را یات کنگ ءِ موہ ءِ رنگ ءَ پدر کت کہ پاکستان ءِ جوڑ بوھگ ءِ سبب بوتگ۔ آئی ءَ نودربر آنی اکس کشی ءِ مقابلہ ءَ بھر زوری ءِ ستا کرتگ ءُ گوشت کہ آھانی نبشتہ کاری ءِ درشان ءَ چہ آھانی لیکہ، اُمیت ءُ ملک ءِ واھشت آنی درشانی بوتگ۔ مراگش ءَ گوں تران کنان ءَ وفاقی سیکرٹری اشفاق احمد خلیل ءَ گوشت کہ مرکا حق ءُ مکہ ءِ یکجائی دفاعی معاہدہ پاکستان ءِ تابکاری، وتی حاکمیت ءِ سر ءَ دل یکیمی ءُ دمگی امن ءُ ایمنی ءِ واستہ جزم ءِ گواہ اِنت۔ آئی ءَ وزارت ءُ ایشی ءَ گوں بندوکیں محکمہ آنی ذمہ واری ءِ سر ءَ زور پر دات کہ آ پاکستان ءِ راجی یات ءَ را رکھینگ ءُ عکس، شنگکاری، فلم، دستاویزی فلم ءُ نمائش آنی وسیلگ ءَ آئی ءِ راجدپتر، دود ءُ ربیدگ، پجار ءُ سوبمندی آناں سر کنگ بہ بنت۔ ڈی ایم پی ءِ کرد ءِ ستا کنان ءَ سیکرٹری ءَ گوشت کہ اے وڑیں گامگیج آنی وسیلگ ءَ دستاویز ءُ پیش کنگ بوتگیں مواد آیوکیں نسل آنی واستہ ارزشتی ایں ریکارڈ ءِ رنگ ءَ کار کنت ءُ نسل آنی واستہ راجی کسہ ءِ رکھینگ ءَ کمک کنت۔ مراگش ءِ بندات گوں قرآن پاک ءُ راجی سوت ءِ وانگ ءَ بوتگ ءُ ایشی ءَ پد ڈی ایم پی ءِ ھاسیں دستاویزی فلم ”پاکستان: سفر برجاہ اِنت“ ءِ پیشدارگ بوتگ کہ ایشی ءِ تہ ءَ ھاسیں سنگ میل، سوبمندی ءُ ملک ءِ جوڑ بوھگ ءَ پد ءِ سفر ءِ سر ءَ چمشانک دیگ بوتگ۔ اے مراگش ءَ پیش دارگ بوتگیں اکس کشی ڈی ایم پی مقابلہ ءِ وسیلگ ءَ دیم دیگ ءُ گچین کنگ بوتگ انت، ایشی ءِ تہ ءَ جتا جتائیں وانگ ءُ زانگ ءِ ادارگ آنی نودربراں آرٹ ءِ وسیلگ ءَ پاکستان ءِ بابت ءَ وتی ھیال ءُ لیکہ آنی درشانی کتگ۔ تنزیلہ شاہد ءَ اولی ، عائشہ زاہد ءَ دومی ، ایمان اکبر ءَ سیمی ءُ کرسٹینا جون ءَ چارمی نمبر گپتگ ۔ تسلی ءِ داد ھردا حارس، ام ہانی، یوسما ندیم، وہاب قریشی ءُ صفا آصف ءَ را دیگ بوتگ۔ سیکرٹری ءَ سوبمندیں ءُ بھر زوروک آنی نیام ءَ سرٹیفکیٹ ءُ ایوارڈ بھر ءُ بانگ کتگ۔ مراگش کیک ءِ کٹگ ءِ مراگش ءَ گوں آسر بوت، ایشی ءِ تہ ءَ یکوئی، ایمان ءُ نظم ءُ ضبط ءِ جذبہ ءُ یک مھکمیں، امن ءُ وشھالیں پاکستان ءِ جوڑیشت ءِ اجتماعی عزم ءِ پدا پدر کنگ بوت۔