پیمرا ءَ را نجی ٹی وی چینل ءِ مراگش ’’ خفیہ‘‘ ءِ ھوالگءَ بازیں شکایت رسیتگ

اسلام آباد۔24فروری ( اے پی پی ) پاکستان الیکٹرانک میڈیا ریگولیٹری اتھارٹی ( پیمرا) ءَ را نجی ٹی وی چینل ءِ مراگش ’’ خفیہ‘‘ ءِ ھوالگ بازیں شکایت رسیت۔ مراگش ءِ تہا ٹی وی چینل ءِ ٹیم ءَ را یک لوگے ءِ تہا چھاپہ جنگ ءَ پیش دارگ بوتگ۔ پیمرا ءِ نیمگءَ چہ جاری پریس ریلیز ءِ ردءَ چاروکانی مزنیں کساسے ء ھمیں مراگش ءِ سرءَ سک باز برانز گپتگ ءُ آھاں پاکستان الیکٹرانک میڈیا ریگورلیٹری اتھارٹی ءَ چہ اے مراگش ءِ ھلاپ ءَ کاروائی کنگءِ لوٹ کتگ۔ پیمرا ءَ کسمانکی ھرابی ءُ چھاپہ آنی ھوالگءَ دراھیں مراگشانی شنگ کنگءِ سرءَ گوستگیں 6جونءَ تاں سرجمءَ بندش جتگ بلے سماء ٹی وی چینل ءَ اے پرمان ءِ ھلاپ ءَ 26ءَ سندھ مزن آمید گس ءَ چہ حکم امتناعی حاصل کتگ کہ ایشی ءِ سوبءَ پیمرا ءِ پرمان آنی سرءَ عمل درآمد اوشت ءِ آماچ بوتگ۔ پیمرا ءَ اے ھوالگءَ زوت گوشدارگ ءِ ھاترءَ سندھ مزن آمید گس ءَ یک دزبندیے جم کنگ بوتگ۔