اسلام آباد۔ 02 جون (اے پی پی) کوویڈ۔ 19 نا جہانی دین انا سوب آن پاکستان نا برآمد آتے ٹی 61 درسد نا حصہ دار 10 ملک آتا زرگزران تا کچ اٹی کمتی نا گڑتی نا سوب قومی برآمد آتے ٹی کمتی مننگ کیک۔ اقتصادی جاچکار حسین ایچ زیدی تینا پٹ وپولی رپورٹ اٹی پارینے کہ پاکستان نا جم برآمد آتیان 61 درسد برآمدات امریکہ، چین، برطانیہ، اوغانستان، جرمنی، متحدہ عرب امارات، ہالینڈ، سپین، بنگلہ دیش و اٹلی آ کاہک۔ اوپارے کہ چین و بنگلہ دیش آن بیدس ایلو 8 ملک آتا زرگزرانی شرح نمو ٹی نمان کمتی ٹی قومی برآمد آتے ٹی ہم کمتی نا گڑتی ءِ۔ آئی ایم ایف نا رپورٹ نا رداٹ پاکستان نا جم برآمد آتیان 16درسد امریکہ کن کاہک ہرانا شرح نمو 2020ء ٹی 605 درسد نا کمتی نا گمان ءِ۔ ہنداوڑ برطانیہ 7.2 درسد برآمد آتون ارٹ میکو بھلا ملک ءِ ہرانا اقتصادی شونداری ٹی ہم 6.5 درسد وخت اس کہ اوغانستان و جرمنی نا زرگزرانی شرح نمو ٹی بالترتیب 3 و 6.9 درسد و متحدہ عرب امارات، ہالینڈ، اسپین و اٹلی نا زرگزرانی شونداری ٹی ہم بالترتیب3.5، 7.5 درسد، 8 درسد و 9.1 درسد نا کمتی نا گمانی ءِ۔ اوپارے کہ پاکستان نا کل برآمد آتیان 60 درسد آن زیات نا حصہ دار 10 بھلا درآمدکنندہ ملک آتا اقتصادی شرح نمو ٹی کمتی وسستی ٹی پاکستان نا برآمد آک ہم زہمی مننگ کیرہ۔ اوسلاہ تس کہ پاکستان نا برآمد آک ہم زہمی مننگ کیرہ۔ اوسلاہ تس کہ پاکستان برآمد کنندگان روایتی منڈی تا جاگہ غا غیر روایتی و پوسکن آ منڈی تسکان رسینگ ءِ پک کے تانکہ قومی برآمد آتے ٹی ودوکی نا ہدف آتے دوئی کننگ مرے۔
