اسلام آباد۔ 02 جون (اے پی پی) بنجائی وزیر نجکاری محمد میاں سومرو نا کماشی ٹی دیوان اٹی حویلی بہادر شاہ و بلوکی پاور پلانٹس نا نجکاری نا باندات آتا جاچ ءِ ہلنگا۔ دیوان اٹی چیئرمین نیپرا، بنجائی سیکرٹری نجکاری و ایلو کمامدار آک ویڈیو لنک انا کمک اٹ بشخ ہلکر۔ وزارت نجکاری نا کنڈآن جاری بیان نا رداٹ دیوان اٹی پاور پلانٹس آتا مالیاتی سلاہکار تا کنسورشیم نا بابت بنجائی وزیر ءِ حوال تننگا۔ داکان بیدس محمد میاں سومرو ءِ پاور پلانٹس آتا گمانی بڈرز آتون چندی باندات بشمول سیل پرچیز ایگریمنٹ نا بابت سرجم تیان ہم معلومدار کننگا۔ دیوان اٹی بشخ ہلوک آتے پاننگاکہ پاور پلانٹس آتا ٹیرف نا بابت حتمی میٹنگ 6 جون آ گمانی ءِ۔ داوخت آ بنجائی وزیر پارت کرے کہ لاک ڈاؤن اٹ نرمی آن پد نجکاری نا باندات آتے مستعدی اٹ سرانجام تننگے و چندی ادارہ غاتا نجکاری نا عمل ءِ پک کروک وخت ءُ پاس نا رداٹ پک کننگے۔
