اسلام آباد۔ 02 جون (اے پی پی) مچ آ ملک اٹی ملخ آتا برخلاف آپریشن نا رداٹ تدوک آ 24 گھنٹہ ٹی 3 لکھ 68 ہزار ایکڑ رقبہ نا سروے و 5300 ایکڑ رقبہ نا ملخ مار دوائی تے اٹ ٹریٹمنٹ ءِ کننگا۔ داوخت اسکان مچ آ ملک اٹی 5 لکھ 2 ہزار 200 ایکڑ رقبہ غا اسپرے کننگانے۔ نیشنل ڈیزاسٹرمینجمنٹ اتھارٹی نا ترجمان نا رداٹ داوخت ملک انا 51 ضلع غاتے ٹی ملخ آک اریر۔ بلوچستان اٹی 33، خیبر پختونخوا ٹی 3، پنجاب اٹی 3 و سندھ اٹی 6 ضلع زہمی مسنو۔ ملخ آتا جلہو زدہ علاقہ غاتا سروے و کنٹرول آپریشن برجا ءِ۔ ترجمان نا رداٹ کل 1122 ٹیم لوکسٹ کنٹرول آپریشن اٹی بشخ ہلکر۔ تدوک آ 24 گھنٹہ ٹی 3 لکھ 68 ہزار ایکڑ رقبہ نا سروے و 5300 ایکڑ رقبہ نا ملخ مار دوائی تے اٹ ٹریٹمنٹ ءِ کننگا۔ داوخت اسکان مچ آ ملک اٹی 5 لکھ 2 ہزار 200 ایکڑ رقبہ غا اسپرے کننگانے۔ بلوچستان اٹی 3800 ایکڑرقبہ غا اسپرے کننگا۔ پنجاب اٹی 100ایکڑ آ اسپرے کننگا۔ خیبر پختونخوا ٹی 800 ایکڑ رقبہ نا ٹریٹمنٹ مس۔ سندھ اٹی تدوک آ دے 600 ایکڑ رقبہ نا ٹریٹمنٹ ءِ کننگا۔ ترجمان نا رداٹ جم وڑاٹ داوخت اسکان مچ آ ملک اٹی 5 لکھ 2 ہزار 200 ایکڑ رقبہ غااسپرے کننگانے۔
