24 گھنٹہ ٹی 3938 پوسکن ءُ کیس، 78 مرک
مچ آ ملک اٹی کوروناوائرس نا پک کیس آتا کچ 76،398، مرک آتا کچ 1621مس
اسلام آباد۔ 02 جون (اے پی پی) مچ آ ملک اٹی تدوک آ 24 گھنٹہ ٹی 3938پوسکن ءُ کیس و 78 پین مرک رپورٹ مسنے اوکان پد پک کیس آتا کچ 76 ہزار 398، جم مرک آتا کچ 1621 مسنے۔ نیشنل کمانڈ اینڈ آپریشن سینٹر (این سی او سی) نا کنڈآن جاری تازہ انگا اپ ڈیٹ نا رداٹ ملک اٹی کورونانا ایکٹیو کیس آتا کچ 47 ہزار 667 مسنے۔ این سی او سی نا رداٹ سندھ اٹی غٹ آن زیات 29 ہزار 647 کورونا کیس رپورٹ مس۔ پنجاب اٹی کوروناوائرس کیس آتا کچ 27 ہزار 850 اسکان سرمسنے۔ خیبر پختونخوا ٹی کیس آتا کچ 10 ہزار 485 و اسلام آباد اٹی 2893 مس۔ بلوچستان اٹی 4514، گلگت بلتستان اٹی 738کیس رپورٹ مس۔ آزاد کشمیر اٹی کورونا وائرس کیس آتا کچ 271 مس۔ مچ آ ملک اٹی داوخت اسکان 110 ناجوڑ پورو دراخہ جوڑ مسنو۔ این سی او سی نا رداٹ تدوک آ 24 گھنٹہ ٹی 78 مرک مسنے۔ کوروناوائرس آن مرک انا باہ ٹی ہنوک آ بندغ آتا کچ 1621 اسکان سرمس ہرافتے ٹی سندھ اٹی 503، پنجاب اٹی 540، کےپی کے ٹی ، 482 گلگت بلتستان اٹی 11، آزاد جموں و کشمیر اٹی 6، اسلام آباد اٹی 30 و بلوچستان اٹی 49 اوار ءُ۔ داوخت اسکان 5 لکھ 77 ہزار 974 بندغ آتا کوروناوائرس کن ٹیسٹ ءِ کننگا۔ تدوک آ 24 گھنٹہ ٹی 16 ہزار 548 بندغ آتا ٹیسٹ ءِ کننگا۔ ملک انا 727 ہسپتال آتے ٹی 4736 ناجوڑ درمان مننگ ءُ۔ 824 کورونا زہمی تا حالیت نازرک پاننگ انگ ءِ۔
