اسلام آباد۔ 02 جون (اے پی پی) چیئرمین سینیٹ محمد صادق سنجرانی قومی اسمبلی نا باسک منیر خان اورکزئی نا کزیت آ ڈکھ و است ہسونی نا درشانی ءِ کرینے۔ تینا ہڑزخواہی کلہو اٹی چیئرمین سینیٹ جمہوریت و پارلیمان کن و سیاسی و راجی خذمت آتیا ایماندار منیر خان اورکزئی ءِ خراج عقیدت پیش کرے۔ اوپارے کہ منیر اورکزئی اسہ جوان ءُ سیاستدان اس ئس و اونا سیاسی خذمت آتے مدام یات تخنگک، اونا کزیت آن پاکستان نا سیاسی افق آ پُر مفروک آ خلاء ودی مسنے۔ چیئرمین سینیٹ ایماندار منیر خان اورکزئی نا خاہوت تون ہڑزخواہی کرسا اللہ تعالیٰ آن ایماندار نا درجہ غاتا بڑزی کن دعاکرے۔
