اسلام آباد۔ 02 جون (اے پی پی) قومی اسمبلی نا اسپیکر اسد قیصر و ڈپٹی اسپیکر قاسم خان سوری ئسک جے یو آئی نا راہشون قومی اسمبلی نا باسک منیر خان اورکزئی نا کزیت آ ڈکھ و است ہسونی نا درشانی ءِ کرینو۔ سے شنبے نادے آ تینا جتا جتا ہڑزخواہی کلہو آتے ٹی اوفک پاریر کہ منیر خان اورکزئی نا کزیت نا بنگن تو ڈکھیا مسن۔ منیر خان اورکزئی اسہ بڑزکو ظرف تخوک ءُ سیاسی راہشون اس ئس۔ اوفک پاریر کہ ایماندار نا کزیت آن ودی مروک آ خلاء پُرمننگ کپک، ایماندار نا سیاسی و راجی خذمت آتے مدام یات تخنگک۔ اوفک پاریر کہ غم و ڈکھ انا داساہت اٹی ایماندار نا خاہوت نا ڈکھ اٹی بریبر نا شریک اُن۔ اللہ تعالیٰ غان دعا ءِ کہ او ایماندار نا بخشش و خاہوت ءِ دا ناقابل تلافی نسخان ءِ برداشت کننگ نا ہمت ایتے۔
