ریجنل پاسپورٹ کارگس پشاور ءَ را اوگان شہر آنی ویزا آنی رمساں گیش کنگءِ وت وجہی داتگ
رسالپور۔24فروری (ا ے پی پی) تہی کارانی وزیر چوہدری نثار علی خان ءَ پاک اوگان سیمسر آنی بندش ءِ سوب ءَ پاکستان ءَ استیں اوگانی آنی جیڑھ آنی سرءَ نوٹس زُرتگ۔ تہی کارانی وزارت ءِ جارچین ءِ نیمگءَ چہ جاری بوتگیں بیانءِ تہا تہی کارانی وزیر چوہدری نثار علی خان ءَ ھمگرنچیں حکام ءَ را پاکستان ءَ اتکگیں اوگان شہرآنی ویزا ءِ ھوالگءَ جیڑھ آنی زوت گیش ءُ گیوار کنگءِ پرمان داتگ۔ تہی کارانی وزیر ءِ پرمان ءِ پد ءَ ریجنل پاسپورٹ کارگس پشاور ءَ را وگان شہر آنی ویزہ ءِ رمس ءَ را دیمءَ برگءِ وت وجہی داتگ۔ تہی کارانی وزیر چوہدری نثار علی خان ءَ گشتگ کہ اے گامگیج ءِ مول ءُ مراد اوگان شہر آنی جیڑھ ءُ جنجالاں ھلاس کنگ ءُ کانودی ترز ءَ پاکستانءَ آیوکیں مردماں آسراتی پھجارینگ اِنت۔
