اسلام آباد۔ 02 جون (اے پی پی) بنجائی وزیر امور کشمیر و گلگت بلتستان علی امین خان گنڈاپور مقبوضہ کشمیر اٹی بھارتی ریاستی دہشت گردی نا ترندی اٹ مذمت ءِ کرسا پارینے کہ بھارتی کوزہ گر فوج کشمیری ورناتا کشت و خون ءِ کننگ ءِ۔ مقبوضہ کشمیر اٹی ماورائے عدالت خون نا واقعہ غاتے ٹی پدریسہ ودکی مننگ ءِ۔ علی امین گنڈاپور پارے کہ بھارت سفاکانہ کارروائی تے اٹ مقبوضہ کشمیر نا ڈیموگرافی ءِ بدل کننگ نا کوشست کننگ ءِ۔ بھارت انسانیت سوز ظلم آتے اٹ کشمیری تا عزم ءِ شکست تننگ کپک۔ اوپارے کہ کشمیریک تدوک آ ہفت دہائی آن بے مٹ جیرت نا درشانی ءِ کرینو۔ نرزور کشمیریک تینا حق خودارادیت نا خواست آن اسہ اینچ اس ہم پدی مفسہ۔ علی امین گنڈاپور پارے کہ جہانی برادری بھارتی ظلم آتا دمدستی نوٹس ءِ ہلے، پاکستان کشمیری تے حق خودارادیت ترفنگ کن تینا کوشست آتے برجاتخک۔
