اسلام آباد۔یکم جون (اے پی پی) مزن وزیر عمران خان ءِ سروکی ءَ راجی رابطہ کمیٹی ءِ دیوان دو شمبے ءَ ادا برجم دارگ بوت۔ دیون ءَ ملک ءَ کورونا وائرس ءَ چہ پیداک بوھوکیں جاور ھال آنی بابت ءَ سرجمیں ءَ چار ءُ تپاسی گرگ بوت ءُ پیسلہ کنگ بوت کہ کورونا وائرس ءِ شنگ ءُ تالانی ءَ را گر ءُ دار ءِ واستہ ایس او پیز آنی سر ءَ ترندی پد ءُ رند گران ءَ ھمروچگیں زندمان ءُ کاروبار ءِ تہ ءَ ایشرا پد ءُ رند ءُ المی کنگ بہ بیت۔ مزن وزیر میڈیا کارگس ءِ نیمگ ءَ جاڑٰ ی بوتگیں بیان ءِ رد ءَ دیوان ءَ پیسلہ کنگ بوت کہ اے رنگیں کاروباری شوبگ آنی لسٹ جاڑی کنگ بیت ھما کہ کورونا ءِ گیش شنگ ءُ تالان ءِ دارگ ءِ رد ءِ بند بنت پدا ھم کاروباری ءُ تجارتی چست ءُ ایر آنی یک انچیں لسٹ ءِ ھما کہک بنجاھی حکومت ءُ صوبگ آنی منگ نامہ ءَ گوں موہ دیگ بنت۔ دیوان ءَ اے گپ ءِ ھم درشان کنگ بوت کہ مارا کورونا وائرس ءِ گوما دیم ءَ جنزگی انت پدا ھم وائرس ءِ شنگ ءُ تالانی ءَ را گر ءُ دار کنگ ءِ واستہ ایس او پیز آنی سر ءَ کار کنگ بیت۔
