اسلام آباد۔ یکم جون (اے پی پی) مزن وزیر عمران خان ءِ سروکی ءَ دیوان آیوکیں مالی سال 2020-21 ءِ بجٹ ءِ مول ءُ مراد ءُ اول سرئی کار آنی سر ءَ چار ءُ بچار کنگ بوت۔ دو شمبے ءَ ادا دیوان ءَ وزیر ءِ درئی کار شاہ محمود قریشی، بنجاھی وزیر صنعت ءُ پیداوار محمد حماد اظہر، منصوبہ بندی ءُ دیمروئی کار بنجاھی وزیر اسد عمر، مشیر ھزانگ ڈکٹر عبدالحفیظ شیخ، شمیر تجارت عبدالرزاق دائود، ادارگ آنی گہتری ءِ مشیر حسین ءُ ٹوھیں کارندہ بھر زوری کنگ ءَ اتنت۔ ڈاکٹر عبدالحفیظ شیخ ءَ دیون ءَ را ھواریں معاشی جاور ھال ءُ آیوکیں مالی سال 2020-21 ءِ بجٹ ءِ ترجی داتگیں کار آنی بابت ءَ سرجمی ءَ سرپد کت۔ ڈاکٹر عبدالحفیظ شیخ ءَ بازیں اقتصادی مشکل ءُ ھاسیں رنگ ءَ کورونا ءِ ھوپ ءِ سبب ءَ پیداک بوتگیں جیڈھ آنی بابت ئَ سرجمیں رنگ ءَ سرپد کت۔ مزن وزیر عمران خان ءَ مشیر ءِ ھزانگ ڈاکٹر عبدالحفیظ شیخ ءَ را ھم پنت ءُ شون کت کہ اسیتں معاشی جاور ھال ءُ جیڈھ آنی گوما گر ءُ چیل بوھگ ءِ ھوالگ ءَ حکومت ءِ گامگیج آنی بابت ءَ پاکستان ءِ الس آناں ھم سرپدی پجارینگ بہ بیت۔
