مزن وزیر عمران خان ءِ وتی ھمکار گیوسپ کونٹے ءَ گوں ٹیلی فون ءِ سر ءَ رابطہ، مقبوضہ کشمیر ءَ بنی آدمی لگت مالی ءَ ھوار کویڈ 19 ھوپ ءُ ایندگر جیڈھ آنی سر ءَ ھیال ریچی کت

اسلام آباد۔ یکم جون (اے پی پی) مزن وزیر عمران خان ءُ آئی ءِ اطالوی ھمکار گیوسپ کونٹے ءِ نیام ءَ دو شمبے ٹیلی فون ءِ سر ءَ رابطہ کت۔ ٹیلی فون ءِ سر ءَ تران کنان ءَ کویڈ -19 ھوپ ءَ ھوار ایندگر جیڈھ آنی سر ءَ ھیال ریچی کنگ بوت۔ مزن وزیر عمران خان ءَ کورونا وائرس ءِ مزنیں کساس ءَ گران بھائیں بنی آدمی جانی تاوان ءِ پد ءَ ڈکھ ءِ درشان کنان ءَ ھوپ ءَ گوں گر ءُ چیل بوھگ ءِ پد ءَ اٹلی ءِ کوشست آناں ساڑات۔ مزن وزیر عمران خان ءَ وتی اطالوی ھمکار ءَ را پاکستان ءِ تاجگیں جاور ھال ءُ وائرس ءِ شنگ ءُ تالان ءِ گر ءُ دار ءِ واستہ حکومت ءِ نیمگ ءَ چست کتگیں گامگیج آناں ساڑات۔ مزن وزیر عمران خان ءَ جان سلامتی چاگردی ءُ معاشی جیڈھ آنی واستہ گر ءُ چیل بوھگ ءِ کار رپک آناں سہرا کت۔ مزن وزیر ءَ اطالوی مزن وزیر ءَ را نوک دیمروئی کنوکیں ملک آنی واستہ وام آنی تہ ءَ ریلیف ءِ ھوالگ ءَ میاں اوستمانی گامگیج آنی بابت ءَ سرپد کت ءُ گوشت کہ معیشت ءَ را برجم کنگ ءِ واستہ ٹوھیں پلان آف ایکشن شاھیگان کنگ ءِ ضلورت ءِ بابت ءَ زور پر دات۔