مظفرآباد۔ 24 فروری (اے پی پی) صدر مملکت ممنون حسین پارینے کہ کشمیری ورناک ظلم و بیدادی نا ساڑی آ لہر نا بے جگری اٹ مقابلہ ئِ کرسا تحریک آجوئی ٹی پوسکن آ روح اس شاغانو، جہانی برادری کشمیری الس نا حق خودارادیت نا معاملہ ٹی لاتعلقی نا رویہ ئِ ہلے، اگہ ظلم و ناانصافی ئِ توننگ تو تو دنیا ٹی آجوئی و خوداری نا ہیت ئِ ہچ گہس کننگ کپک، پاکستان تینا کشمیری ایلم تا اخلاقی و سفارتی کمک ئِ برجاتخک۔ اوداہیت ئِ جمعہ نادے تینا دورہ آزاد کشمیرا ٹی قائداعظم نا بابت اڈ تروک آ دود اٹی تران کرسا پارے۔ دود اٹی سردار مسعود خان صدرآزاد کشمیر حکومت و وزیراعظم راجہ فاروق حیدر خان ئسک ہم ساڑی ئسر۔ صدر مملکت ممنون حسین پارے کہ دُن انگا دود آک قائد اعظم ؒ و کشمیر نا سوگو تعلق نا یات آتے تازہ کیک و آزادانہ مقبوضہ کشمیر نا شاہراہ و درودیوار قائد اعظم نا خوشبواٹ تالان مننگ ئُ۔ اوپارے کہ ہرا عنصرآک دا سوگو رشتہ نا تک ئِ تخپسہ او کشمیر مریک پاکستان پاکستان نا نعرہ ئِ بنر۔ بابائے قوم قائداعظم ؒ سخت انگا کسر تیا سفر کرسا کشمیر و پاکستان نا رشتہ ئِ صفا کرے و دنیا ناہچ ئُ واک اس تعلق رخنہ شاغنگ کپک۔ اوپارے کہ دنیا ٹی ہراڑے کہ انسانی حق سلب مس و الس ئِ آجوئی آن محروم کننگا تو چک و تاڑ نا تحریک آک منظم مسر ہرافتے مصائب تون مون تروکی تما ولے گدرینگوک آ ہفتاد سال آن ہرابے جگری و استقامت اٹ کشمیری الس آجوئی نا جہد کننگ ئِ اونا مثال تاریخ اٹی ہم ملیپک۔
