اسلام آباد۔ 01 جون (اے پی پی) وزیراعظم عمران خان گرین پاکستان پروگرام نا رداٹ ملک اٹی ’’پروٹیکٹڈایریا انیشیٹو‘‘ نا بناءِ کننگ نا منظوری ءِ تسنے۔ اودامنظوری ءِ وزیراعظم نا سلاہکار موسمیاتی بدلی ملک امین اسلم تون دوشنبے نادے آ داڑے اوڑدہی نا وخت آ تس۔ وزیراعظم میڈیا آفس آن جاری پریس ریلیز نا رداٹ دا اوڑدہی تدوک آ تُو وزیراعظم نا کنڈآن منظور کروک آ دا پیکج نا تسلسل اٹ ئس ہراٹی کوویڈ۔ 19 نا سوب آن بے روزگاری تون مون تروک آ 65 ہزار ورنا، ڈیلی ویجز آتا مچ آ ملک اٹی شجرکاری ٹی خذمت دوئی کننگ اوار ءِ۔ اوڑدہی ٹی وزیراعظم گرین پاکستان پروگرام نا رداٹ ملک اٹی ’’پروٹیکٹڈایریا انیشیٹو‘‘ بناکننگ نا منظوری ءِ تس۔ دا گام گیج نا رداٹ جنگلی حیات و شجرکاری نا رکھ اکن 12 قومی پارک جوڑ کننگک۔ وزیراعظم عمران خان داوخت آ پارت کرے کہ دا ڈٹ آ غٹ صوبہ غاتا وزیراعلیٰ تے پت اٹ ہلنگے۔ اوپارے کہ دا ڈٹ آن کوویڈ۔ 19 آن زہمی بندغ آتے ملازمت نا وارخواہی دوبریک و داڑتون اوار اوار ملک انا قدرتی وسیلہ غاک ہم رکھ مننگ کیرہ۔ وزیراعظم ’’پروٹیکٹڈ ایریا انیشیٹیو‘‘ نا وزارت نا کنڈآن کڑدہ غاتون سلابتی عمل پورو مننگ آ زوت بناءِ کیک۔
