مچ آ ملک اٹی کوروناوائرس آن زہمی بندغ آتا کچ 72،460، مرک آتا کچ 1،543مس
5 لکھ 61 ہزار 131 بندغ آتا ٹیسٹ ءِ کننگا، 26،083 ناجوڑ دراخہ جوڑ مسر
4776 ہسپتال آتے ٹی درمان مننگ ءُ، 731 نا حالیت نازرک ءِ
نیشنل کمانڈ اینڈ آپریشن سینٹر
اسلام آباد۔ 01 جون (اے پی پی) مچ آ ملک اٹی تدوک آ 24 گھنٹہ ٹی کوروناوائرس نا 2964 پوسکن ءُ کیس، 60 مرک رپورٹ مسنے اوکان پد زہمی بندغ آتا کچ ودسا 72 ہزار 460، مرک آتا کچ 1543مسنے۔ نیشنل کمانڈ اینڈ آپریشن سینٹر (ای سی او سی) نا کوروناوائرس نا بابت تازہ انگا اپ ڈیٹ نا رداٹ ملک اٹی کوروناوائرس نا ایکٹیو کیس آتا کچ 44 ہزار 834، پک کیس آتا کچ 72 ہزار 460 اسکان سرمس، تدوک آ 24 گھنٹہ ٹی 2964 پوسکن ءُ کیس رپورٹ مس و 60 پین مرک آتون اوار جم مرک آتا کچ 1543 مسنے۔ این سی او سی نا رداٹ سندھ اٹی کوروناوائرس نا غٹ آن زیات 28 ہزار 245کیس رپورٹ مس۔ پنجاب اٹی کیس آتا کچ 26 ہزار 240 اسکان سرمس۔ خیبر پختونخواٹی کیس آتا کچ 10 ہزار 27 و اسلام آباد اٹی 2589مس۔ بلوچستان اٹی 4393، گلگت بلتستان اٹی 711 کیس رپورٹ مس۔ آزاد کشمیر اٹی کوروناوائرس کیس آتا کچ 255مس۔ مچ آ ملک اٹی داوخت اسکان 26 ہزار 83 ناجوڑ پورووڑاٹ دراخہ جوڑ مسنو۔ این سی او سی نا رداٹ تدوک آ 24 گھنٹہ ٹی 60 مرک مسنے۔ کوروناوائرس آن مرک انا باہ ٹی ہنوک آ بندغ آتا کچ 1543 اسکان سرمس ہرافتے ٹی سندھ اٹی 481، پنجاب اٹی 497، کے پی کے ٹی 473، گلگت بلتستان 11، آزاد جموں و کشمیر اٹی 6، اسلام آباد اٹی 28 و بلوچستان اٹی 47 اوار ءُ۔ داوخت اسکان 5 لکھ 61 ہزار 131 بندغ آتا کوروناوائرس کن ٹیسٹ ءِ کننگا۔ تدوک آ 24 گھنٹہ ٹی 14 ہزار 398 بندغ آتا ٹیسٹ ءِ کننگا۔ ملک انا 727 ہسپتال آتے ٹی 4776ناجوڑ درمان مننگ ءُ۔ 731 کورونا زہمی تا حالیت نازرک پاننگ انگ ءِ۔
