اسلام آباد۔ 01 جون (اے پی پی) مچ آ ملک اٹی ملخ آتا برخلاف آپریشن نا رداٹ تدوک آ 24 گھنٹہ ٹی 3لکھ 50 ہزار ایکڑ رقبہ نا سروے و 4900 ایکڑ رقبہ نا ملخ خلوک دوائی تے اٹ ٹریٹمنٹ ءِ کننگا۔ داوخت اسکان مچ آ ملک اٹی 4 لکھ 97 ہزار ایکڑ رقبہ غا اسپرے کننگانے۔ نیشنل ڈیزاسٹرمینجمنٹ اتھارٹی نا ترجمان نا رداٹ دا وخت آ ملک انا 52ضلع غاتے ٹی ملخ آک ساڑی ءُ۔ بلوچستان اٹی 31، خیبر پختونخوا ٹی 10، پنجاب اٹی 4 و سندھ اٹی 7 ضلع زہمی مسنو۔ ملخ آتا جلہوی علاقہ غاتا سروے و کنٹرول آپریشن برجاءِ۔ ترجمان نا رداٹ درو 1128 ٹیم لوکسٹ کنٹرول آپریشن اٹی بشخ ہلکر۔ تدوک آ 24 گھنٹہ ٹی 3 لکھ 50 ہزار ایکڑ رقبہ نا سروے مس وخت اس کہ 4900 ایکڑ رقبہ نا ملخ خلوک دوائی تے اٹ ٹریٹمنٹ ءِ کننگا۔ بلوچستان اٹی 3200 ایکڑ رقبہ غا اسپرے کننگا۔ پنجاب اٹی 100ایکڑ آ اسپرے کننگا۔ خیبر پختونخوا ٹی 1000ایکڑ رقبہ نا ٹریٹمنٹ مس۔ سندھ اٹی تدوک آدے 600 ایکڑ رقبہ نا ٹریٹمنٹ ءِ کننگا۔ داوخت اسکان مچ آ ملک اٹی 4 لکھ 97 ہزار ایکڑ رقبہ غا اسپرے کننگانے۔
