اسلام آباد ۔ 30 مئی (اے پی پی) پاکستان علماءکونسل ءِ راھشون ءَ شام ءِ صوبگ ادلب ءِ تہ ناشرکارانی دستاں حضرت عمر بن عبدالعزیزؒ ءِ ادیرہ ءِ سرا ارش ءِ سک ایراد جنان ءَ گوشت کہ امت مسلمہ ءَ را ناشرکارانی ٹولہ ءِ ھلاپ ءَ یکجاھ بوان ءَ دیما جزگ بیت۔پیسر ءَ ھم مقدس شخصیات ءِ ادیرہ ءِ سرا ناشرکارانی اُرش بوتگ انت ءُ امت مسلمہ ءَ مجرمانہ غفلت ءِ درشان کتگ۔نوں آہاں نا ایوکا حضرت عمر بن عبدالعزیز، آئی ءِ لوگبانک فاطمہؒ ءُ خادم ءِ ادیرہانی بے شرپی کتگ۔بلکہ آہانی جون درکشت سوتکگ انت۔ھپتگ ءَ جاڑی یکجاھیں بیان ءِ تہ چیئرمین پاکستان علماءکونسلءِ صدر وفاق المساجد والمدارس پاکستان حافظ محمد طاہر محمود اشرفی، مولانا محمد خان لغاری، مولانا عبدلکریم ندیم، مولانا اسد زکریا قاسمی، علامہ عبدالحق مجاہد، مولانا اسداللہ فاروق، مولانا اسید الرحمان سعید، مولانامحمد اسلم صدیقی، پیر زبیر عابد، مولانا محمد اشفاق پتافی ءُ دگراں گوشت کہ حضرت عمر بن عبدالعزیز اسلامی دنیا ءِ ہمہ مستریں ءُ صالح حاکم ات آہاں ھدا ءِ زمینءِ سرا انصاف ءِ علم برز کتگ۔

متعلقہ مضامینمصنف کی طرف سے مزید