اسلام آباد۔ 29 مئی (اے پی پی) پاکستان تحریک انصاف نا راہشون ڈاکٹر شہباز گل پارینے کہ جہاز شکست اٹی زوال کروک آتا ہرا میت آک زیات ہشنگانو اوفتے ڈی این اے نا رپورٹ آن مست وارث آتے تننگ مفک، ڈی این اے نا رپورٹ اٹ منہ دے لگک ، اینو ہم چیئرمین پی آئی اے وزیراعظم عمران خان ءِ داڑآ سرجم حوال تسنے۔ مسافر آتا خاہوت آتیان خواست ءِ کہ او معلومداری کن پی آئی اے نا ایمرجنسی رسپانس سینٹر نا فون نمبرز آکال کیر۔ سوشل میڈیا غا اسہ نیاڑی اسے نا کنڈآن میت آتے بیدس ڈی این اے ٹیسٹ خاہوت آتا حوالہ کننگ نا خواست انا ورندی ٹی ڈاکٹر شہباز گل تینا ٹویٹ اٹی پارے کہ کنا ایڑھ کنے نما تکلیف آتا سماارے۔ اللہ نمے صبر ایتے و داخہ بھلو ڈکھ اسے نا سگنگ نا ہمت ہم۔ ڈی این اے نا رپورٹ اٹی منہ دے لگک ہرا میت آک بھاز ہشنگانو اوفتے ڈی این اے نا رپورٹ آن مست وارث آتے تننگ مفک ۔ اوپارے کہ اینو ہم چیئرمین پی آئی اے وزیراعظم عمران خان ءِ داڑآ سرجم حوال تسنے۔ مسافر آتا خاہوت آتیان خواست ءِ کہ او معلومداری کن پی آئی اے نا ایمرجنسی رسپانس سینٹر نا فون نمبر تیا کال کیر۔ ترجمان پی آئی اے عبداللہ خان نا فون نمبرز 021-99242284، 021-99043766 آرابطہ کننگ مریک۔ ہندن کہ ٹیسٹ رپورٹ بریک ہندا سینٹر نما کمک ءِ کیک و نمے پین ہچ ءُ جاگہ سے آ ہنوئی تمپک۔
