جہانی برادری بھارت سرکار نا ودوک آ انتہاپسندی نا دمدستی نوٹس ءِ ہلے
اسلام آباد۔ 29 مئی (اے پی پی) وزیر خارجہ شاہ محمود قریشی پارینے کہ بھارت تینا جارحانہ عزم انا سوب آن مچ آ ڈیہہ نا امن و سوگوی ءِ گہیو تخنگ ءِ۔ داہیت ءِ او وزیراعظم نا خصوصی کمکار نیشنل سیکورٹی ڈویژن ڈاکٹر معید یوسف تون گپ و تران کرسا پارے ہرا جمعہ نادے آ وزارت خارجہ ٹی اوڑتون اوڑدہی کرے۔ اوڑدہی ٹی علاقائی حالیت خاص کر بھارت نا کنڈآن ساڑی آ دے تیٹی مون آ بروک آ جارحیت و ایلو اہم باندات آتیا گپ وتران کننگا۔ وزیر خارجہ پارے کہ بھارت تینا جارحانہ عزم انا سوب آن مچ آ ڈیہہ نا امن و سوگوی ءِ گہیو تخنگ ءِ۔ ڈیہہ ٹی امن وا یمنی نا حالیت آتا رداٹ مون آ تخسا، جہانی برادری بھارت سرکار نا ودوک آ انتہاپسندی نا دمدستی نوٹسءِ ہلے۔ اوڑدہی ٹی کوروناوائرس نا سوب آن پیشن نا ملک آتے ٹی اختہ پاکستانی تے وطن آ پدی اتنگ نا بابت کروک آ گام گیج و دا بابت پیش رفت آ ہم سرجم گپ و تران کننگا۔
