اسلام آباد۔ 29 مئی (اے پی پی) مچ آ ملک اٹی ملخ آتا برخلاف آپریشن نا رداٹ تدوک آ 24 گھنٹہ ٹی 3 لکھ 13 ہزار ایکڑ رقبہ نا سروے وخت اس کہ 4400 ایکڑ رقبہ نا ٹریٹمنٹ کننگا۔ نیشنل ڈیزاسٹرمینجمنٹ اتھارٹی نا ترجمان نا رداٹ داوخت آ ملک انا 61 ضلع غاتے ٹی ملخ آک اریر ہرافتے ٹی بلوچستان نا 31، خیبر پختونخوا نا 11، پنجاب اٹی 12 وسندھ اٹی 7 ضلع غاک زہمی ءُ۔ ملخ آتا جلہو ذدہ علاقہ غاتا سروے و کنٹرول آپریشن برجاءِ۔ مچ آ ملک اٹیی 1150 ٹیم لوکسٹ کنٹرول آپریشن اٹی بشخ ہلنگ ءُ۔ آپریشن اٹی تدوک آ 24 گھنٹہ ٹی 3 لکھ 13 ہزار ایکڑ رقبہ نا سروے مس وخت اس کہ 4400 ایکڑ رقبہ نا ٹریٹمنٹ ءِ کننگا۔ ترجمان نا رداٹ بلوچستان اٹی 1700 ایکڑ رقبہ آ اسپرےکننگانے۔ پنجاب اٹی 1000ایکڑ، خیبر پختونخوا ٹی 900 ایکڑ، و سندھ اٹی تدوک آ دے 800 ایکڑ رقبہ نا ٹریٹمنٹ ءِ کننگانے۔
