اسلام آباد۔ 29 مئی (اے پی پی) کوویڈ۔ 19 نا زہم تیان کاروبار تے رکھ فراوان کننگ کن اسٹیٹ بینک آف پاکستان نا ری فنانس اسکیم نا رداٹ داوخت اسکان 432 ارب روپئی نا وام تا ہلنگ ءِ پد بٹنگانے۔ اسٹیٹ بینک آف پاکستان تدوک آ تُو اٹی پاکستان بینکس ایسوسی ایشن نا اواری اٹ وام تا اصل زر انا ہلنگ ءِ پدبٹنگ نا اسکیم نا بناءِ کریسس۔ ری فنانس نا آسراتی آن فائدہ ہرفنگ کن وامدار تے 30 جون آن مست تعلقدار بینک آتے نوشتہی درخواست جمع کرفوئی مریک و امنائی شڑت و ضابطہ غاتا رداٹ وام ہلوک آ سود اناادائیگی ءِ کیرہ۔ اسٹیٹ بینک آف پاکستان نا کنڈآن جاری سرجم حوال آتارداٹ ری فنانس نا آسراتی آن فائدہ ہرفوک آتا کریڈیٹ ہسٹری زہمی مفک و نئے اوفتا سرجم کریڈیٹ بیورو نا ڈیٹا ٹی تننگک۔ ایس بی پی پارینے کہ بروک آ سال اسکان واجب الوصول جم اصل زر 4.70 کھرب روپئی ءُ۔
