اسلام آباد۔ 29 مئی (اے پی پی) وزیراعظم نا خصوصی کمکار جان جوڑی ڈاکٹر ظفر مرزا پارینے کہ پمز آئسولیشن سینٹر نا کمرہ غاتا کچ ءِ ودفسا 30 کننگانے۔ داخیال آتا درشانی ءِ او پمز ہسپتال نا آئسولیشن سینٹر نا دورہ ءِ کننگ آن پد صحافی تتون گپ وتران کرسا کرے۔ اوپارے کہ پمز اسلام آباد اٹی کوروناوائرس نا ناجوڑ آتے کن آئسولیشن سینٹر نا بست وبند آک است جم ءُ۔ اوپارے کہ آئسولیشن سینٹر نا کمرہ غاتا کچ ءِ 10 آن ودفسا 30 کننگانے۔ وخت اس کہ ایلو آسراتی تیٹی ہم ودکی کننگ انگ ءِ۔ اوڈاکٹر، نرس و طبی عملہ تون یکجہتی نا درشانی ءِ کرسا پارے کہ دا دین انا برخلاف جنگ بیرہ طبی عملہ نا گچین کاریم و حکومت نا کمک اٹ کٹنگ مریک۔ اوطبی عملہ ءِ باوری کرفے کہ اوفتا جندی رکھ اکن ہروڑنا گام گیج کننگ انگ ءِ۔
