اسلام آباد۔ 29 مئی (اے پی پی) وزیراعظم نا سلاہکار واپار عبدالرزاق داؤد پارینے کہ مال بردار جہاز سائبلک ٹریڈیشن اوغانستان ٹرانزٹ کن شانزدہ ہزار ٹن یوریا اتسا گوادر بندرگاہ ٹی لنگرانداز مسنے، بحری واپار نا پوسکن آ دور بناکرینے۔ جمعہ نادے آ اسہ ٹویٹ اسے ٹی او پارے کہ داوڑنا دا اولیکو مال بردار جہاز پاکستان اٹی لنگرانداز مسنے ہراڑآن واپار نا اسہ پوسکن ءُ دور اس بناکرینے، اولیکو وار گڑاتا پیکنگ ءِ درملکی بندرگاہ تا جاگہ غا ہندی وڑاٹ کننگک۔ اوپارے کہ یوریا نا پیکنگ ءِ گوادر اٹی کرسا ٹرک آتا کمک اٹ اوغانستان آ ترسیل کننگک۔ ہراڑآن ہندی بندغ آتے کن روزگار نا وارخواہی ودی مریک۔ اوپارے کہ لیبر نا غٹ ملازمت آتے ہندی آبادی کن جتا کننگ نا بابت مہالو آن پارت تننگانے۔
