ملک اٹی کورونا وائرس نا پک کیس آتا کچ 64028، مرک آتا کچ 1317 مس
22،305 ناجوڑ دراخہ جوڑ، 5،20،017 بندغ آتا ٹیسٹ ءِ کننگا، نیشنل کمانڈ اینڈ آپریشن سینٹر
اسلام آباد۔ 29 مئی (اے پی پی) مچ آ ملک اٹی تدوک آ 24 گھنٹہ ٹی کوروناوائرس نا ریکارڈ 2636پوسکن ءُ کیس و 57 مرک رپورٹ مسنے، نیشنل کمانڈ اینڈ آپریشن سینٹر(این سی او سی) تازہ انگا اپ ڈیٹ نارداٹ ملک اٹی کوروناوائرس نا ایکٹیو کیس آتا کچ 40 ہزار 406، پک کیس آتا کچ 64 ہزار 28 اسکان سرمس۔ تدوک آ 24 گھنٹہ ٹی 2636 پوسکن ءُ کیس رپورٹ مس، 57 پین مرک آتون اوار جم مرک آتا کچ 1317 مسنے۔ این سی او سی نا رداٹ سندھ اٹی غٹ آن زیات 25 ہزار 309 کوروناکیس رپورٹ مس، پنجاب اٹی کوروناوائرس کیس آتا کچ 22 ہزار 305 اسکان سرمسنے۔ خیبر پختونخواٹی کیس آتا کچ 8 ہزار 842 و اسلام آباد اٹی 2100 مس۔ بلوچستان اٹی 3928، گلگت بلتستان اٹی 658 کیس رپورٹ مس۔ آزاد کشمیر اٹی کورونا وائرس کیس آتا کچ 227 مس۔ مچ آ ملک اٹی داوخت اسکان 22 ہزار 305 ناجوڑ پورو وڑاٹ دراخہ جوڑ مسنو۔ این سی او سی نا رداٹ تدوک آ 24 گھنٹہ ٹی 57 مرک مسنے۔ کوروناوائرس آن مرک انا باٹی ہنوک آبندغ آتا کچ 1317 اسکان سرمسنے ہرافتے ٹی سندھ اٹی 396، پنجاب اٹی 410، کے پی کے ٹی 432، گلگت بلتستان اٹی 9، آزاد جموں و کشمیر اٹی 5، اسلام آباد اٹی 22 و بلوچستان اٹی 43 اوار ءُ۔ داوخت اسکان 5 لکھ 20 ہزار 17 بندغ نا کوروناوائرس کن ٹیسٹ ءِ کننگا۔ تدوک آ 24 گھنٹہ ٹی 11 ہزار 931 بندغ آتا ٹیسٹ ءِ کننگا۔ ملک انا 726 ہسپتال آتے ٹی 4615ناجوڑ درمان مننگ ءُ۔ 496کورونا زہمی تا حالیت نازرک پاننگ انگ ءِ۔
