غٹ صوبہ غاک ریسورس مینجمنٹ سسٹم اٹی کورونا نا دین انا توننگ کن کروک آ گام گیج و تازہ انگا معلومداری تے شیئر کیر
اسلام آباد۔ 29 مئی (اے پی پی) بنجائی وزیر ڈٹ بندی شونداری و خصوصی گام گیج اسد عمر پارت کرینے کہ السی آسراتی کن غٹ صوبہ غاک ریسورس مینجمنٹ سسٹم (آرایم ایس) اٹ کورونانا دین انا توننگ کن کروک آ گام گیج و تازہ انگا معلومداری تے شیئر کیر۔ او جمعہ نادے آ تینا کماشی ٹی نیشنل کمانڈ اینڈ آپریشن سینٹر(این سی او سی) دیوان آن تران کریکہ۔ دیوان اٹی کوروناوائرس نا رداٹ تازہ انگا حالیت آتا جاچ ءِ ہلنگا۔ داوخت آ بنجائی وزیر ڈٹ بندی شونداری و خصوصی گام گیج اسد عمر پارے کہ ریسورس مینجمنٹ سسٹم (آرایم ایس) کوروناوائرس نا بابت ملک انا ہر شاری ءِ ہسپتال اٹی بیڈز و وینٹی لیٹرز تون اوار ایلو آسراتی تا بارواٹی تازہ انگا معلومداری فراوان کیک۔ فورم اٹی بشخ ہلوک آک دا نظام نا کارکڑدگی آ است جمی نا درشانی ءِ کریر۔ دیوان اٹی بنجائی وزیر داخلہ اعجاز احمد شاہ، وزیراعظم نا خصوصی کمکار ڈاکٹر ظفرمرزا، وزیراعظم نا کوروناوائرس نا فوکل پرسن ڈاکٹر فیصل سلطان، وزیراعظم نا سلاہکار ڈیجیٹل پاکستان تانیہ ایدروس، وزیراعظم نا سلاہکار قومی سلامتی ڈاکٹر معید یوسف، کوارڈینیٹر این سی او سی لیفٹیننٹ جنرل حمودالزمان خان، صوبائی چیف سیکرٹریز، آزاد جموں و کشمیر، گلگت بلتستان نا نمائندہ غاتون اوار بڑزکو کمامدارآک ہم ساڑی ئسر۔
