اسلام آباد ۔ 28 مئی (اے پی پی) وفاقی وزیر اھوالکاری ءُ شنگ کاری سینیٹر شبلی فراز ءَ گوشت کہ مرچگیں روچ ءَ 28 مئی ءَ پاکستان ایٹمی زوراک ءِ جوڑ بوتگ، یوم تکبیر اے گپ ءِ درشان انت کہ جزم ءُ دلیری ءَ گوں ھرچ بلندی ءِ در جنگ بہ لوٹاں آ جاھا در جت کناں، مئے ایمنی ءِ واھشت ءَ را مئے ھمزوری پھمگ مہ بیت، حکومت ءَ جوانیں گامگیج ءَ چہ کوویڈ-19 ءَ را جوانیں رنگ ءَ گر ءُ دار ءُ کنٹرول کتگ، مئے راستیں کشک ءَ رھادگ آں، مدگ ءَ را ھم کنٹرول کناں ایشی ءِ واستہ راجی سیل برجا کنگ ءَ آں، افریقہ ءَ چہ مدگ ءِ واستہ گیش سامان ءِ گوانک جنگ ءِ واستہ توامیں تیاری سرجم کنگ بوتگ انت، وھد ءَ سہرا کتگ کہ لاک ڈائون ءِ پالیشی ناکام بوتگ ھمے ھاترا گیش لاک ڈائون ءِ اچ امیت نیست انت ھما مردم کہ کورونا ءُ مدگ ءِ سر ءَ سیاست کنگ ءَ انت آوانی مول ءُ مراد آوانی وتی کرپشن ءِ چیر دیگ انت۔ آیوکیں ھشت ءُ دھ روچ ءَ شوگر رپوٹ ءِ پکوئی رند پد دیم ءَ کاینت ھمینکیاس ھم مافیاز است انت آوانی گوما ترندی ءَ گوں گر ءُ چیل بیت۔ پنچ شمبے ءِ روچ ءَ ادا پریس انفارمیشن ڈیپارٹمنٹ ءَ پریس کانفرنس ءَ گوں گشتانک دیان ءَ وزیر ءِ اھوالکاری ءَ گوشت کہ 2013 ءَ وھد ءِ پاکستان مسلم لیگ (ن) ءِ حکومت اتک گڈا آوانی ھزانگ ءِ وزیر اسحاق ڈار، آ مرچی باندات ملک ءَ چہ فرار انت، آئی ءَ پی پیز ءِ 486 ارب کلدار جاڑی کت انت، پی ایم ایل این ءَ اچ کار بے سیت ءُ نپ ءَ جاڑی نہ کتگ، شاہہد خاقان عباسی ءَ ھم وتی وفاداری شر کتگ ءُ پیش داشتگ ءُ ملک ءُ راج ءِ اچ ھیال نہ کتگ۔ آئی ءَ گوشت کہ سلمان شہباز ءِ پت وتی زھگ ءَ را ملک ءَ چہ تچائینگ ءَ شوگر ڈیڈی جوڑ بوت۔ آئی ءَ گوشت کہ یک نیمگ ءِ معیشت انت ءُ دومی نیمگ ءَ بنی آدمی جان ءُ مزن وزیر عمران خان ءَ را لس مردم ءِ مشکل آنی سما انت۔ آئی ءَ گوشت کہ جوانیں گامگیج کتگ تانکہ معیشت رھادگ بہ بیت ءُ ایشی یے واستہ جوانیں ایس او پیز جوڑ کتگ تانکہ ھوپ ءِ گر ءُ دار ءَ ھوار لس مردم ءِ زندمان ءَ مشکل ھم کمتر بہ بنت۔ وزیر ءِ اھوالکاری ءَ گوشت کہ کجام ھم ھوپ ءِ اندازگ ھما ھوپ ءَ چہ بیران بوتگیں مردم آنی ھوالگ ءَ جنگ بیت ءُ اللہ تعالٰی ءِ لک شگر انت کہ کورونا ءَ چہ بوھوکیں بیرانی ءِ کساس مئے سسا ءَ چہ کم انت بھارت ءُ ایندگ ملک آنی رد ءَ سک باز کمتر انت، اللہ پاک ءِ مہربانی ءَ چہ ایش گر ءُ دار کت کتگ۔ آئی ءَ گوشت کہ شہر آنی توک ءَ یا ہسپتال آنی توک ءَ مریض روگ ءَ گیش واھگ دار انت ھمے ھاترا شہر آنی ہسپتال آنی توک ءَ 60 ءَ چہ 65 درسد گنجاشک سرجم کنگ بوتگ بلے ایندگر دمگ آنی ہسپتال آنی جاور ھال گہتر انت۔ آئی ءَ گوشت مدگ ءِ ھاترا یک راجی سیل ءِ جوڑ کنگ ءَ آں۔ آئی ءَ امیت سہرا کت کہ افریقہ ءَ مدگ ءِ یک مزنیں سامان آنی امبار ءِ آیگ ءِ آیگ ءِ امیت انت این ڈی ایم اے ءُ ایندگر سیادی داروکیں ادارگ آں تیاری سرجم کتگ ءُ سپرے ءِ دستیابی ءُ شنگ ءُ تالان ء، انتظامی ھم سرجم کتگ انت، 9 ءَ چہ 6 جہاز سرجمیں رنگ ءَ تیار انت ایندگر سئے جہاز ھم زوت تیار کنگ بنت تانکہ وھد ءِ سر ءَ زوتیں رنگ ءَ مدگ آناں سپرے بکن انت۔ آئی ءَ گوشت کہ الس آں گوں اپیل انت کہ آ دل یکیم بہ بنت، امیت انت کہ اللہ تعالی اے ڈکال ءَ چہ ما را باج برئی رسیت۔ آئی ءَ گوشت کہ سندھ ءَ چہ پاکستان تحریک انصاف ءَ 14 سیٹ گپتگ ما سندھ ءَ را چیا ڈلگچار کناں، مزن وزیر عمران خان راجی سسا ساچ دار ایت، سندھ مئے جان انت ءُ ما سندھ ءَ را ھم کچ ءُ بروبر لیکاں۔ آئی ءَ گوشت کہ حکومت ءَ را اچ کس ءَ چہ ترس ءُ بیم نیست ءُ آ وتی وھد ءُ پاس ءَ سرجم کنت۔
