اسلام آباد ۔ 28 مئی (اے پی پی) مزن وزیر عمران خان ءَ گوشت کہ بالیگ ءِ کپگ ءِ واکیہ ءَ را پٹ ءُ پول ءُ انکوائری ساپ ءُ سلہ ئی ءِ گوما راستی آنی رد ءَ سہرا بوھگ ءِ واستہ اچ موہ یل نہ کناں، آئی ئَ گوشت کہ ائید ءِموہ ءَ بالیگ ءِ وئیل راج ءِ واستہ یک ٹوھیں واکیہ ات، منی بنی آدمی جانی تاوان ءِ ھوالگ ءَ گرانیں ڈکھ ءُ اندوھ ءِ درشان ءَ کناں ءُ آوانی گم ءَ ھوار آں، اے اپسوزیگیں واکیہ ءِ پٹ ءُ پول ءَ توامیں آسراتی کارمرد کنگ بنت۔ آئی ءَ گوشت کہ سول ایوی ایشن ، پی آئی اے، سیادی داروکیں ادارگ ءُ بالی سفر ءَ گوں بندوکیں کار آنی تہ ءَ گہتری آناں گیش ترند کنگ بیت۔ اے ھیالانی درشانی آئی ءَؒ بریفنگ ءِ ساھت ءَ کت۔ دیوان ءَ وزیر ءِ ہوا بازی غلاس سرور خان، وزیر ءِ اھوالکاری ءُ شنگ کاری سینیٹر شبلی فراز، ھاسیں کمکار برائے اھوالکاری لیفٹیننٹ جنرل (ر) عاصم سلیم باججوہ، ھاسیں کمکار ڈاکٹر شہباز گل، سیکرٹری ہوا بازی ڈویژن حسن ناصر جامیم چیف ایگزیکٹو پی آئی اے ایئر مارشل ارشد محمود ملک ءُ ایندگر کلانہ ایں اپسرگ آں بھر زوری کت۔ مزن وزیر عمران خان ءَ بالیگ ءِ واکیہ ءِ پٹ ءُ پول ، واکیہ ءِ ساپ ءُ سلہ ئی ءُ دربازی رنگ ءَ انکوائری ءَ را دل یکیمی جوڑ کنگ ءِ واستہ ملکی ءُ در ملکی کلانہ آنی ازمت در جنگ ءُ انوگ ءَ تاں دیمروئی ءِ ھوالگ ءَ سرجمیں بریفنگ دیگ بوت۔ مزن وزیر عمران خان ءَ بالیگ ءِ وئیل ءَ را بنی آدمی نپشی تاوان ءِ پد ءَ گرانیں ڈکھ ءُ اندوھ ءِ درشان کت ءُ گوشت کہ ائید ءِ موہ ءَ اے واکیہ راج ءِ واستہ ٹوھیں وئیل ات۔ مزن وزیر ءَ پنت ءُ شون کت کہ وئیل ءِ ساپ ءُ سلہ ئی ءُ در بازی رنگ ءَ انکوائری ءُ واکیہ ءَ گوں بندوکیں راستی آناں سہرا کنگ ءَ اچ وڑیں موہ یل کنگ نہ بیت۔ مزن وزیر ءَ گوشت کہ انکوائری رپورٹ ءَ را دیم ءَ آرگ ءِ واستہ توامیں راستی ءُ سرجمیں ھال آناں الس ءِ دیم ءَ سہرا کنگ بیت۔
