چیئرمین پی اے آرسی ڈاکٹر محمد عظیم خان نا ’’اے پی پی‘‘ تون گپ وتران

تکنیکی وڑتے تینا کننگ و وخت آ دسنگ آن برنج نا پیدوار اٹی 10 آن 15 درسد ودکی کننگ مریک
اسلام آباد۔ 28 مئی (اے پی پی) پاکستان زرعی تحقیقاتی کونسل (پی اے آرسی) نا چیئرمین ڈاکٹر محمد عظیم خان پارینے کہ تکنیکی وڑتے تینا کننگ و فصل انا وخت آ دسنگ آن برنج نا پیداوار اٹی 10 آن 15 درسد ودکی کننگ مریک۔ ’’اے پی پی‘‘ تون گپ وتران کرسا اوپارے کہ کشاری بشخ اٹی شونداری و گچینی نا بھلو گنجائشت اس ارے۔ اوپارے کہ تکنیکی وڑوڈول آتے اٹ فصل آتے دسسا پیدوار اٹی ودکی کننگ مریک۔ اوپارے کہ کشت وکشار اٹ پوسکن آ ٹیکنالوجی ءِ مون آ دننگ وخت انا گرج ءِ۔ اوپارے کہ تکنیکی وڑوڈول تے تینا کننگ آن برنج نا پیداواراٹی 10 آن 15 درسد ودکی کننگ مریک۔ اوپارے کہ تیلدار اجناس ودال تا پیداوار ءِ ودفسا نہادی زرمبادلہ ءِ بچت کننگ مریک۔ اوپارے کہ پی اے آر سی کشاری بشخ انا شونداری کن گچین ءُ حکمت عملی اسے نا رداٹ کاریم کننگ ءِ و کشاری سائنسدانک فصل آتا پوسکن ءُ وڑوڈول درستی راستی کرفینو ہراڑآن پیداوار اٹی نمان ودکی مسنے۔ اوپارے کہ ساڑی حکومت کشاری بشخ انا شونداری کن گام گیج چست کرینے ہرانا جوان ءُ بھرم اس مون آ بریک۔