اسلام آباد۔ 28 مئی (اے پی پی) وزیراعظم نا سلاہکار واپار و ٹیکسٹائل عبدالرزاق داؤد پارینے کہ چندی و پوسکن آ برآمد آتا کنڈآ ہِننگ ننا حکمت عملی نا بشخ اسے ہرادے برآمد کنندگان آک تینا کوشست آتے اٹ دوئی کرینو، امریکہ ، کینیڈا و یورپ آن فیس ماسک انا دوئی کننگ نا آرڈر ملنگ اہم ءُ پیش رفت اسے۔ پنچ شنبے نادے آ تینا ٹویٹ اٹی اوپارے کہ کنا حوال آتارداٹ گڑاس برآمدکنندگان آتے امریکہ، کینیڈا ویورپ آن فیس ماسک برآمد کننگ نا بھلو آرڈر ملانے، دا اسہ اہم ءُ پیش رفت اسے و داسرسہبی آ ای دا برآمد کنندگان آتے مبارکبادی ایتیوہ۔ اوپارے کہ چندی و پوسکن آ برآمد آتا کنڈآ ہِننگ ننا حکمت عملی نا بشخ اسے ہرادے برآمد کنندگان آک تینا کوشست آتے اٹ دوئی کرینو۔ اوپارے کہ دا معلومداری تے ایلوتسکان دامسخت کن سرکننگ اُن کہ اوفتا است بڈی مرے و او دنیا نا جتا بشخ آتیان پین آرڈر ہلنگ کیر۔
