اسلام آباد۔ 28 مئی (اے پی پی) چیئرمین سینیٹ محمد صادق سنجرانی پارینے کہ پاکستان نا جوہری میرات آک پرامن مسخت آتے کن ءُ و 28 مئی قوم انا تاریخ اٹی اسہ اہم ءُ دے اسے نا حیثیت تخک ہراتم پاکستان ءِ رکھ کننگا۔ سینیٹ سیکرٹریٹ نا رداٹ پنچ شنبے نادے آ یوم تکبیر نا بابت تینا کلہو اٹی چیئرمین سینیٹ پارے کہ پاکستان ڈیہہ ٹی امن نا خواہندار ءِ …
بھارتی جارحانہ عزم آن مچ آ دنیا بلد، پاکستان نا جوہری میرات آک پرامن مسخت آتے کن ءُ، چیئرمین سینیٹ محمد صادق سنجرانی
اسلام آباد۔ 28 مئی (اے پی پی) چیئرمین سینیٹ محمد صادق سنجرانی پارینے کہ پاکستان نا جوہری میرات آک پرامن مسخت آتے کن ءُ و 28 مئی قوم انا تاریخ اٹی اسہ اہم ءُ دے اسے نا حیثیت تخک ہراتم پاکستان ءِ رکھ کننگا۔ سینیٹ سیکرٹریٹ نا رداٹ پنچ شنبے نادے آ یوم تکبیر نا بابت تینا کلہو اٹی چیئرمین سینیٹ پارے کہ پاکستان ڈیہہ ٹی امن نا خواہندار ءِ و ایٹمی لائخی ڈیہہ ٹی واک انا توازن ءِ قائم کرینے۔ اوپارے کہ بھارتی جارحانہ عزم آن مچ آ دنیا بلد ءِ و پاکستان ہر کہول آ کوشست کرینے کہ امن و سلامتی ءِ مون آ دننگے۔ اوپارے کہ یوم تکبیر نا مناسبت اٹ ننے دا عہد انا تجدید ءِ کروئی مریک کہ ملکی دفاع و سلامتی آ ہچ ءُ آنچ اس بننگ کن الیپنہ و ملکی جوڑ جوڑ و شونداری و قومی فائدہ غاتے مون آ تخنہ۔ چیئرمین سینیٹ مستی پارے کہ پاکستان نا ایٹمی لائخی پرامن مسخت آتے کن ءِ و ننا فوج ہروڑنا جارحیت نا پبی ورندی ءِ تننگ نا لائخی تخک۔
