مچ آ ملک اٹی کورونا وائرس نا پک کیس آتا کچ 61،227 ، و مرک آتا کچ 1260مس
5،80،096 بندغ آتا ٹیسٹءِ کننگا، 20،231 ناجوڑ پورو وڑاٹ دراخہ جوڑ مسنو
نیشنل کمانڈ اینڈ آپریشن سینٹر
اسلام آباد۔ 28 مئی (اے پی پی) ملک اٹی تدوک آ 24 گھنٹہ ٹی کورونا وائرس نا 2076 پوسکن ءُ کیسس و پین 36 مرک رپورٹ مسنے وخت اس کہ 8 ہزار 687 بندغ آتا ٹیسٹ ءِ کننگانے، نیشنل کمانڈ اینڈ آپریشن سینٹر (این سی اوسی) نا تازہ انگا اپ ڈیٹ نا رداٹ مچ آ ملک اٹی کوروناوائرس نا ایکٹیو کیس آتا کچ 39 ہزار 736، پک کیس آتا کچ ہم 61 ہزار 227 اسکان سرمس، تدوک آ 24 گھنٹہ ٹی 2076 پوسکن ءُ کیس رپورٹ مس، 36 پین مرک آتون اوار جم مرک آتا کچ 1260 مسنے۔ این سی او سی نا رداٹ سندھ اٹی غٹ آن زیات 24 ہزار 206 کوروناوائرس کیس رپورٹ مس۔ پنجاب اٹی کوروناوائرس کیس آتا کچ 22 ہزار 37 اسکان سرمسنے۔ خیبر پختونخوا ٹی کیس آتا کچ 8 ہزار 483 و اسلام آباد اٹی 2015مس۔ بلوچستان اٹی 3616، گلگت بلتستان اٹی 651 کیس رپورٹ مس۔ آزاد کشمیر اٹی کوروناوائرس کیس آتا کچ 219 مس۔ مچ آ ملک اٹی داوخت اسکان 20 ہزار 231 ناجوڑ پورو وڑاٹ دراخہ جوڑ مسر۔ این سی او سی نا رداٹ تدوک آ 24 گھنٹہ ٹی 36 مرک مسنے۔ کوروناوائرس آن مرک انا باہ ٹی ہنوک آ بندغ آتا کچ 1260 اسکان سرمس ہرافتے ٹی سندھ اٹی 380، پنجاب اٹی 381، کےپی کے ٹی 425، گلگت بلتستان اٹی 9، آزاد جموں و کشمیر اٹی 5، اسلام آباد اٹی 19 وبلوچستان اٹی 42 اوار ءُ۔ داوخت اسکان 5 لکھ 80ہزار 96 بندغ آتا کورونا وائرس کن ٹیسٹ ءِ کننگا۔ تدوک آ 24 گھنٹہ ٹی 8 ہزار 687 بندغ آتا ٹیسٹ ءِ کننگا۔ ملک انا 726 ہسپتال آتے ٹی 4700 ناجوڑ درمان مننگ ءُ۔ 457 کورونا نا زہمی تا حالیت نازرک پاننگ انگ ءِ۔
