اسلام آباد۔ 28 مئی (اے پی پی) صدر ڈاکٹر عارف علوی پارینے کہ قومی جوڑ جاڑ و راجی قدر انا مون آ دننگ کن میڈیا نا کڑد اہم ءِ، راجی ویل آتے تالان کننگ کن میڈیا تینا کڑد ءِ ادا کے۔ پنچ شنبے نادے آ ایوان صدر میڈیا آفس آن جاری بیان نا رداٹ صدر مملکت تون بنجائی وزیر حوالکاری و شینکاری سید شبلی فراز و وزیراعظم نا خصوصی کمکار لیفٹیننٹ جنرل (ر) عاصم سلیم باجوہ داڑے اوڑدہی کریر۔ داوخت آ گپ وتران کرسا صدر مملکت پارے کہ قومی جوڑ جاڑ و راجی قدر انا مون آ دننگ کن میڈیا نا کڑد بے کچ المی ءِ۔ جان جوڑی، تعلیم و زالبول آتا میرات آتا حق کون آ راجی باندات آتا بارواٹی شعور تالان کننگ اٹ ہم میڈیا نا کڑد اہم ءِ۔ صدر مملکت پارے کہ راجی ویل آتا السی شعور تالان کننگ کن میڈیا تینا کڑدءِ اداکے۔ سوشل میڈیا بدلی نا اہم ءُ عنصر اسے۔ صدر مملکت پارے کہ سوشل میڈیا ءِ راج اٹ قومی جوزہ و ہم گرنچی ءِ مون آ دننگ کن کاریم اٹ اتنگ نا گرج ءِ۔
