اسلام آباد ۔ 27 مئی (اے پی پی) نیشنل کمانڈ اینڈ آپریشن سینٹر (این سی او سی) ءَ ائید ءِ گڈی روچ ھم کورونا وائرس ءِ جاور ھال آنی چار ءُ تپاس ءِ واستہ چار شمبے ءَ ارزشتیں گیں دیوان ءِ برجم دیگ بوت۔ کورونا وائرس ءِ گر ءُ دار (کوویڈ-19) ءِ گائیڈ لائنز آنی پد ءُ رند کنگ ءِ ھوالگ ءَ سر پد کت۔ این سی او سی ءِ رد ءَ دیوان ءِ سروکی بنجاھی وزیر منصوبگ بندی، دیمروئی ، گہتری گامگیج اسد عمر ءَ کت۔ مزن وزیر ءِ ھاسیں کمکار جان سلامتی ڈاکٹر ظفر مرزا، مزن وزیر ءِ کورونا وائرس ءِ فوکل پرسن ڈاکٹر فیصل سلطان ، کوآرڈینیٹر این سی او سی لیفٹیننٹ جنرل حمودا لزمان خان ءَ ھوار مزن تکی کارندہ ساڑی اتنت۔ دیوان ءِ تہ ءَ ٹیسٹنگ ءِ ھوالگ ءَ سرجمیں رنگ ءَ گپ ءُ تران کنگ بوت۔ دیوان ءَ ملک ءِ اندر ءَ ہسپتال ءُ وینٹی لیٹر آنی ھوالگ ءَ گپ ءُ تران کنگ بوت۔ اسد عمر ءَ پنت ءُ شون کت کہ وزارت ءِ جان سلامتی ءِ پنت ءُ شون ءِ داتگیں رھبند آناں دل یکیمی کنگ ءِ واستہ الس ءِ جان سلامتی ءُ رکھینگی ءَ را دل یکیمی جوڑ کنگ ءِ واستہ وتی جوانیں کرد پیلو کتگ تانکہ ھوپ ءِ گر ءُ دار کنگ بہ بیت، یک مردمے یے رھبند آنی پد ءُ رند درستیں مردم آنی رکھینگ انت، رھبند آنی پد ءُ رند کوویڈ-19 ءَ چہ رکھینگ ءِ ایوکیں وسیلگ انت۔ دیوان ءَ را مزن وزیر ءِ ھاسیں کمکار برائے ڈیجیٹل پاکستان تانیہ اندروس ءَ گوشت کہ ڈیجیٹل ڈیش بورڈ مردم آناں آوانی لوٹ کتگیں مالوم داری آناں پجارینگ ءَ کمک کنگ ءَ انت۔ فورم ءَ اے جزم ءِ درشان کت کہ الس ءِ مشکل آناں کم کنگ ءِ واستہ توامیں آسراتی کارمرد کنگ بنت۔
