اسلام آباد ۔ 27 مئی (اے پی پی) مزن وزیر ءِ مشیر برائے ھزانگی کار عبدالحفیظ شیخ ءَ گوشت کہ حکومت کورونا وائرس ءَ چہ پیداک بوھوکیں جاور ھال آں گوں گر ءُ چیل بوھگ ءِ واستہ فنڈ گیشینگ بوھگ ءَ انت، آئی ءَ اے جزم ءِ درشان ھم کت کہ آیوکیں بجٹ ءَ الس آناں گیشاں چہ گیش آسراتی پجاری کنگ بہ بیت۔ آئی ءَ جندی ٹی وی چینل ءَ گوں تران کنان ءَ گوشت کہ حکومت تاجر آناں آسراتی پجارینگ ءَ انت اے ملک ءِ اندر ءَ اقتصادی چست ءُ ایر آنی دیمروئی ءِ واستہ ارزشتی ایں کرد پیلو کنگ ءَ انت۔ مشیر ءِ ھزانگ ءَ گوشت کہ حکومت ءَ را یکیں وھد ءَ کورونا وائرس ءَ چہ پیداک بوتگ جاور ھال ءُ معیشت ءِ جیڈھ آں گوں دیم پہ دیمی انت ءُ آ راجی معیشت ءِ برجائی ءُ کورونا وائرس ءَ گوں گر ءُ پنجگ بوھگ ءَ کوشست کنگ ءَ انت۔ آئی ءَ گوشت کہ پاکستان ہائوسنگ سکیم ءِ واستہ 90 درسد ٹیکس کم کنگ بوتگ ۔ آئی ءَ گوشت کہ حکومت لوٹ ایت کہ الس آناں گیشاں چہ گیش آسراتی پجاری بہ بیت ءُ آوانی زندمان آسانی ءَ گوں بہ گوزیت۔
