اسلام آباد ۔ 27 مئی (اے پی پی) مزن وزیر ءِ ھاسیں کمکار برائے کیاسگری شہزاد اکبر ءَ گوشت کہ اپوزیشن ءِ نیمگ ءَ شوگر کمیشن رپوٹ رد کنگ ءَ چہ ایشرا سند رستگ، مئے پارٹی ءَ چہ کجام ھم مردم سیت مند بوتگ آ ھم الس ءِ دیم ءَ سہرا کتگ، آیوکیں روچ ءَ کاروائی ترند کنگ بیت، گوستگیں پنچ سال آنی تہ ءَ 29 ارب کلدار ءِ سبسڈی دیگ بوتگ۔ چارشمبے ءِ روچ ءَ پریس انفارمیشن ڈیپارٹمنٹ ءَ پریس کانفرنس ءَ گوں تران کنان ءَ آئی ءَ گوشت کہ اپوزیشن ءَ را بوت کنگ شوگر کمیشن ءِ رپوٹ انگریزی زبان ءِ تہ ءَ بوھگ ءِ سبب ءَ پھم ءَ چہ شر نہ اتکگ، گوستگیں پنچ سال آنی تہ ءَ شکر ءِ سر ءَ 29 ارب کلدار ءَ چہ گیش سبسڈی دیگ بوتگ، مسلم لیگ (ن) ءِ حکومت ءَ 26 ارب 60 کروڑ کلدار ءِسبسڈی داتگ۔ شاہد خاقان عباسی وھد ءِ 2017 ءَ مزن وزیر بوتگ آ ھد ءَ 20 ارب کلدار ءِسبسڈی دیگ بوتگ۔ آئی ءَ گوشت کہ شہباز شریف گوشیت کہ آئی ءِ سلمان شہباز ءِکاروبار ءَ گوں اچ سیادی نیست بلے اے کاروبار ءَ چہ سرجمیں ھاندان سیت مند بوھگ ءَ انت۔ آئی ءَ گوشت کہ شہباز شریف ءِ ھلاپ ءَ مئے وزیر آنی بیان دینت گڈا آ وتارا آئسولیٹ کنت، آ لندن ءَ چہ اتکگ ءُ قرنطینہ ءَ شتگ۔
