اسلام آباد ۔ 26 مئی (اے پی پی) وزیر ءِ توکی کار اعجاز احمد شاہ پی آئی اے ءِ جہاز ءِ کپگ ءِ واکیہ ءَ چہ آماچ بوھوکیں ھدا مرزیگیں پائلٹ سجاد گل ءِ گس ءَ شت۔ وزیر ءِ توکی کار اعجاز احمد شاہ ءَ ھدا مرزی ءِ سیاد ءُ وارس آں گوں دلپدردی ءِ دشان کت ءُ ھدا مرزی ءِ واستہ پاتیہ وانی ھم کت۔ آئی ءَ گوشت پائلٹ سجاد ءِ بیرانی ءِ پد ءَ آ ڈکھ ایگ انت۔ سئے شمبے ءِ روچ ءَ وزارت ءِ توکی کار ءِ نیمگ ءَ جاڑی بوتگیں بیان ءِ رد ءَ وزیر ءِ توکی کار اعجاز احمد شاہ ءَ آئی ءِ گس ءِ مردم آں گوں دلپدردی ءِ درشان کتگ ءُ گوشتگ کہ اے سکیں ساھت ءَ من گوں شمے گم ءَ ھمکچ ءَ شریک آں۔ آئی ءَ گوں ھداوند ءَ دعا ءِ نیک کت کہ ھدا مرزی باگ ءُ بھشت آنی تہ ءَ بات۔ بنجاھی وزیر ءَ گوشت کہ مئے جوزگ ءُ مارشت آناں ھم ھیال داری کنگ لوٹ ایت، انکوائری ءِ 90 روچ ءِ سرجم بوھگ ءَ بِل ات۔ ھدا مرزی ءِ پت ءَ اللہ تعالیٰ ءِ دربار ءَ دعا ءِ نیک کت کہ آ درستاناں وت بہ رکھینگ ایت ءُ مئے درستانی پاسبان بات۔
