اسلام آباد ۔ 26 مئی (اے پی پی) نیشنل کمانڈ اینڈ آ پریشن سینٹر (این سی او سی) ءَ ملک ءِ توامیں ائیر پورٹس آنی تہ ءَ ڈن ملک ءَ چہ پاکستانی آنی آرگ ءِ وستہ کورونا وائرس ءِ ھوالگ ءَ آسراتی آنی چار ءُ بچار گرگ بوت۔ سئے شمبے ءَ مزن وزیر ءِ مشیر برائے جراجی سلامتی ڈاکٹر معید یوسف ءَ ویڈیو لنک ءِ وسیلگ ءَ دیوان ءِ سروکی کت۔ دیون ءَ چاریں صوبگ آں ھوار آزات کشمیرر ءُ گلگت بلتستان ءِ نماھندگ آں ھوار سول ایوی ایشن ءِ کارندہ ھم شریک اتنت۔ دیوان ءَ ملک ءِ توامیں ائیر پورٹس آنی سر ءَ ڈن ملک ءَ پاکستان آنی آرگ ءِ ساھت ءَ کورونا وائرس ءِ ھوالگ ءَ ائیر پورٹ آنی تہ ءَ آسراتی آنی سر ءَ چار ءُ بچار گرگ بوت۔ دیون ءَ گوشگ بوت کہ ڈن ءَ چہ آیوکیں پاکستانی آنی ڈیٹا توامیں بنجاھی ارزشتی ایں ادارگ آنی گوما شئیر کنگ بہ بیت۔ دیوان ءَ گوشت کہ بوت کہ ڈن ملک ءَ چہ آیوکیں پاکستانی آنی ڈیٹا ایوک ءَ پی آئی اے شئیر کنگ ءَ انت، ایندگر ائیر لائن کنگ ءَ نہ انت۔ صوبائی نماھندگ آں بنجاھ ءَ چہ لوٹ کتگ کہ ڈن ملک ءَ پاکستنای آنی ڈیٹا صوبگ آناں پجار کنگ بہ بنت۔ دیوان ءَ نماھندگ آناں زور پر دات کہ توامیں ائیر لائن واپس آیوکیں پاکستانی آنی سرجمیں ھال آں بنجاھی ارزشتی ایں ادارگ آنی گوما شئیر بکن انت تانکہ وائرس ءِ شنگ ءُ تالانی ءَ را گر ءُ دار کنگ بہ بیت ءُ ٹی ٹی کیو ءِ سٹرٹیجی ءِ سر ءَ کار کنگ بہ بیت۔
