اسلام آباد ۔ 26 مئی (اے پی پی) صدرمملکت ڈاکٹرعارف علوی ءَ گوشت کہ رودراتکی پاکستان ءِ پرشگ ءِ گوما ایندگر ھاٹیگ آنی گوما بے ایمنی ءِ کار کرد بوتگ۔ گوستگیں پاکستان ءَ کرپشن ءِ ھوالگ ءَ مادر پدر آزاتی بوتگ۔ آئی پی پیز ءِ وسیلگ ءَ ملک ءَ را تاوان رستگ۔ ھما مردم آں اے درست کتگ انت آواناں شرم ھم نہ اتکگ ۔ آئی ءَ اے گپ جندی ٹی وتی چینل ءِ پروگرام ءَ گوں تران کنان ءَ کت۔ صدر ءِ مملکت ءَ گوشت کہ بے ایمنی ءِ ھلاپ ءَ جہاد آئی ءَ کالج ءِ دور ءُ باریگ ءَ چہ وتی کتگ، 1969 ءَ کسانیں دمانے ءِ واستہ منا دزگیر کنگ بوتگ، اے زمانگ ءَ زندمان ءِ نام ءَ یک تاکبند ءِ در کپتگ بوتگ ایشی ءِ تاکدیم آنی واستہ کوریج ھم کتگ۔ صددر ءِ مملکت ءَ گ وشت کہ رودراتکی پاکستان ءِ پرشگ ءَ چہ بازیں ھاٹیگ کار ءَ بوتگ انت ایشانی تہ ءَ یک ءِ کرپشن بوتگ، ایشانی دز آوانی ھمبراھ بوتگ انت ءُ مئے دُز مئے ھمبراھ بوتگ انت، لٹ ءُ پل ءِ رچ جاڑی بوتگ۔ صدر ءِ مملکت ءَ گوشت کہ لٹ ءُ پل دگنیا ءِ تہ ءَ ھمک جاھ ءَ است انت۔ اے بنی آدم ءِ فطرت ءِ توک ءَ است انت، سرجمیں دگنیا ءَ ھمک جاھ ءَ ساڑی انت، ایش فطرت ءِ توک ءَ انت، سرجمیں دگنیا ءِ حکومت ایشرا کنٹرول کناں، بلے پاکستان کرپشن ءِ ھوالگ ءَ مادر پدر آزات بوتگ۔ ھما مردم مردم آں کہ ھرچی کتگ آواں شرم نہ اتکگ۔ صدر ءَ گوشت کہ ھما مردم آں ھرچی کتگ آ انچیں مردم انت کہ اللہ تعالیٰ ءَ آواناں باز مال ءُ دولت داتگ، اے مردم گیش گران بوھگ ءِ واستہ کشاں چیل ءَ انت، اللہ تعالیٰ ءَ قرآن پاک ءَ اے وڑیں مردم آنی واستہ گوشتگ کہ تو چیزاں جم کنے تاں وھد ءِ ترا وتی قبر گندگ ءَ نہ ایت۔
