ملک ءَ کورونا وائرس ءِ تسدیک بوتگیں کیس 57705 ، بیرانی 1197 ، سرجمیں رنگ ءَ دراھ بوتگیں مردم 18334 انت
24 کلاک آنی ساتھ ءَ 7252 مردم ، ھواریں رنگ ءَ 490408 مردم ٹیسٹ کنگ بوتگ
نیشنل کمانڈ اینڈ آپریشن سینٹر
اسلام آباد ۔ 26 مئی (اے پی پی) ملک ءَ کورونا وائرس ءِ ایکٹو کیس آنی کساس 38 ہزار 194 ، تسدیک بوتگیں کیس آنی کساس ھم 57 ہزار 705 ءَ تاں سر بوتگ انت، گوستگیں 24 کلاک آنی ساھت ءَ 1356 بوکیں کیس رپوٹ بوتگ انت، 30 گیش بیرانی ءِ گوما ھواریں 1197 مردم بوتگ انت، نیشنل کمانڈ اینڈ آپریشن سینٹر ءِ نیمگ ءَ کورونا وائرس ءِ ھوالگ ءَ تاجگیں اپ ڈیٹ آنی رد ءَ پنجاپ ءَ کورونا وائرس ءِ کیس آنی کساس 20 ہزار 654 ءَ تاں سر بوتگ انت۔ سندھ ءَ 22 ہزار 934 کورونا کیس رپوٹ بوتگ انت، خیبر پختو نخوا ءَ کیس آنی کساس 8 ہزار ءُ اسلا م آباد ءَ 1728 بوتگ انت، بلوچستان ءَ 3768 ، گلگت ءَ 630 کیس رپوٹ بوتگ انت، آزات کشمیر ءَ کورونا وائرس ءِ کلی کساس 211 بوتگ۔ سرجمیں ملک ءَ انوگ ءَ تاں 18 ہزار 334 مریض سرجمیں رنگ ءَ جان سلامت بوتگ ۔ این سی او سی ءِ رد ءَ گوستگیں بیست ءُ چار کلاک آنی ساھت ءَ 30 کس نوکیں بیران بوتگ ایشی ئَ چہ کورونا وائر سئَ چہ بیران بوھوکیں کلی مردم 1197 ءَ تاں سر بوتگ انت۔
