اسلام آباد ۔ 25 مئی (اے پی پی) بنجاھی وزیر سائنس ءُ ٹیکنالوجی چوہدری فواد حسین ءَ گوشت کہ مردم آناں کوویڈ-19 ءِ بیم ءَ گوں گر ءُ چیل بوھگ ءِ واستہ کسانیں ائید ءِ موہ ءَ چاگردی مچی آں چہ وتارا پھریزگ لوٹ ایت، دو شمبے ءَ جندی ٹی وتی چینل ءَ گوں تران کنان ءَ آئی ءَ گوشت کہ کوویڈ-19 ءِ گر ءُ دار ءِ واست ہ توامیں رکھینگی رھبند آناں پد ءُ رند کنگی انت، ویکسینیشن یا اے نادراھی ءِ ھلاپ ءَ تیار بوتگیں دگہ دومی دوار ءُ درمان نیست، چاگردی گستائی ءَ چہ اے ھوپ ءَ چہ بچگ بوت کنت، آئی ءَ گوشت کہ مزن مزنیں دوائی جوڑ کنوکیں کمپنی دیمے سال ستمبر ءَ تاں اینٹی کورونا ویکسین ءِ مزنیں کساس ءَ جوڑ کنگ ءِ واست امیت دارگ ءَ انت۔ یک جستے ءِ پسو ءَ آئی ءَ گوشت کہ سرجمیں ملک ءَ یکیں روچ ءَ ائید ءِ روچ کنگ یک جوانیں چیدگ ات پدا ھم آئی ءَ گوشت کہ قرآن کریم ءُ سنت آنا ڈلگچار کنگ بیت نہ کنت۔
