اسلام آباد ۔ 25 مئی (اے پی پی) جاپان ءِ درئی کاررانی وزیر موتیگی توشی میتشو ءَ کراچی ءَ پی آئی اے بالیگ ءِ واکیہ ءَ چہ جانی تاوان ءِ رد ءَ رنج ءُ اندوھ ءِ درشان کتگ۔ وزیر ءِ درئی کار شاہ محمود قریشی ءِ نام ءَ وتی کلوہ ءَ آئی ءَ واکیہ ءَ چہ بیرانی بوھوکیں مردم آنی ھاندان ءُ وزیر ءِ درئی کار شاہ محمود قریشی ءَ گوں دلپدری ءُ اپسوزی ءِ درشان کتگ۔ آئی ءَ گوشت کہ واکیہ ءَ بازیں مردم آنی جانی تاوان ءَ چہ آ سک گمیگ ءُ اپسوزی انت، آئی ءَ گوشت کہ ما گمیگیں ھاندان آنی گوما یکوئی ءِ درشان ءَ کناں۔ آئی ءَ وزیر ءَ درئی کار ءَ را دل یکیمی دات کہ کورونا وائرس ءِ ھوپ ءَ گوں گر ءُ چیل بوھگ ءِ واستہ جاپان پاکستان ءِ گوما کمک ءُ ھمبراہ داری ءَ جاڑی دار ایت۔
