مظفر آباد۔ 24 فروری (اے پی پی) صدر مملکت ممنون حسین ئَ گوشت کہ کشمیری ورنا آں ظلم ئُُ زوراکی ئِ ھلاپ ئَ گوں مزن جگری ئَ دیم پہ دیمی کتگ ایشی ئَ چہ آشوب ئِ ھاٹیگ گیش بوتگ۔ میاں اوستمانی برات کشمیری اُلس آنی وت واجئی ئِ جیڈھ ئِ سر ئَ در ابیدی وتارا مکن اَنت۔ اگاں ظلم ئُُ ناانساپی ئَ را گر ئُُ دار کنگ نہ بوت گڈا دُگنیا ئِ تہ ئَ آزاتی ئُُ وت واجئی ئِ بابت ئَ کس سُکن کُت نہ کنت۔ پاکستان وتی کشمیری برات آناں اخلاقی ئُُ سفارتی کمک ئَ جاڑی داریت۔ آئی ئَ اے گپ آدینگ ئِ روچ ئَ وتی آزات کشمیر ئَ قائڈاعظم ئِ بابت ئَ مراگش ئَ گشتانک دیان ئَ تران کُت۔ مراگش ئَ سردار محمد مسعود خان صدر آزات کشمیر حکومت ئُُ مزن وزیر راجہ فاروق حیدر خان ھم ساڑی اَت۔ صدر ئِ مملکت ممنون حسین ئَ گوشت کہ اے وڑیں مراگش قائداعظم ئُُ کشمیر ئِ مھکمیں سیادی ئِ یات آں تاجگ کنت ئُُ آزات کشمیر ئُُ مقبوضہ کشمیر ئِ دگ ئُُ کوچگ قائداعظم ئِ وشبو ئَ سپرگ ئَ آں۔ آئی ئَ گوشت کہ ھما کس کہ اے مھکمیں ریشگ ئِ نکش ئَ نہ گنداں آ کشمیر جوڑ بیت پاکستان ئِ جار ئَ گوش بدار آں۔
